語言理解測驗

阿母：「奇怪，我明明和恁阿公約佇車頭，哪會到今猶未看著伊？」
阿淇：「車頭是佇遐呢！（手比一台遊覽車的頭前）」
阿母：「毋是啦！若約佇遐，毋就真危險？我講的車頭是車站啦！」
根據頂面的對話，造成這款誤會的原因是啥物？

• 語言袂通，聽無咧講啥物

• 一詞多義，仝字無仝意思

• 聽毋著話，話語攏烏白鬥

• 意思仝款，是『同義詞』

阿明：「我真頇顢講話，毋過我真實在。」
根據這句話，咱會當知影阿明是一个啥物款的人？

• 足自卑

• 展風神
  (風神：炫耀、愛現)

• 真自謙

• 足臭屁

下面啥物人的情形，
會當用「目睭花花，匏仔看做菜瓜」來形容？

• 阿惠共筍仔看做王梨

• 阿蕊真艱苦直直流目屎

• 阿文記持䆀，定行毋著路

• 阿倫頭楞楞，行路行袂穩

「阿淇實在真『趣味』」、
「食好料伊上有『趣味』啦」
這兩句話內底的「趣味」意思敢有仝款？

• 意思仝款，攏是『有趣』的意思

• 意思仝款，攏是『對某事物感興趣』的意思

• 意思無仝，頭一句是『有趣』；後一句是『對某事物感興趣』

• 意思無仝，頭一句是『對某事物感興趣』；後一句是『有趣』

「歹勢、歹勢！我遲到矣，請恁毋通見怪。」
這句話內底的「歹勢」若換做下面佗一个詞，
規句的意思仝款無變？

• 閉思

• 頇顢

• 𠢕早

• 失禮

「乖孫的，緊來食飯喔！阿媽今仔日煮甲足腥臊的。」
根據這句話，下面佗一句解說是正確的？

• 阿媽今仔日煮真濟好料

• 阿媽今仔日無閒通煮飯

• 阿媽今仔日煮的料理足油的

• 阿媽今仔日干焦煮肉類料理

「欲＿＿＿嘛著愛看場合，你看人這馬受氣矣，等咧隨去共人會失禮，知無？」
空格仔內底應該添啥物上適當？

• 相借問

• 滾耍笑

• 流目油

• 無爽快

下面引號內底的字，佗一个的韻母寫毋著？請你共選出來。

• 烏「鴉」／a

• 阿「姨」／i

• 皮「鞋」／e

• 真「烏」／o

下面引號內底的字，佗一个的聲母「毋」是「th」？
請你共選出來。

• 「呔」會

• 身「體」

• 紅「茶」

• 手「套」

下面佗一句的用字完全正確？

• 你嘛予我稍喘氣一下

• 啥？你沒喘氣喔？

• 我是講予我小歇一下

• 我料準你人無爽快