Penilaian Semester 6

Iteung: Kang Kabayan, cing pangalakeun tutut, Ambu jeung Abah hayangeun dahar tutut.

Kabayan: Naha lain Ambu jeung Abah waé atuh anu ngala tutut téh, pan meureun barisaeun? Akang mah tunduh kénéh!

Iteung: Aéh ari Kang Kabayan, pan Ambu jeung Abah téh meureun hayangeun tutut meunang ngala minantuna.

Kabayan: Ari tutut mah sarua waé, boh minantu boh mitoha!

Watek si Kabayan dina sempalan carita drama di luhur nyaéta …...

• ngedul

• getol

• pinter

• soméah

• kréatif

Bapa Boncél : Doraka manéh téh Boncél, pasti doraka! Utamana ti indung manéh. Hég rarasakeun akibatna!

Dalem Boncél : Doraka ti mana horéng, da aing mah teu boga kolot siga kitu. Barina ogé indung jeung bapa aing mah geus lila maot. Hayoh pangawal gancang sina nyingkir aki-aki jeung nini-nini tukang baramaén jeung kurang saeudan téh!

Ieu di handap mangrupa carita nu ngabalukarkeun Dalem Boncél doraka, iwal ……

• Dalem Boncél ngusir indung bapana

• Dalem Boncél nyebut indung bapana tukang baramaén (pengemis)

• Dalem Boncél nyebut indung bapana kurang saeudan (jalma gélo)

• Dalem Boncél tara méré duit  ka indung bapana

• Dalem Boncél embung ngaku ka nu jadi kolot

Purbararang: (Bari ngacungkeun curuk) Rama Prabu téh teu adil. Naha anu dijungjung jadi ratu bet Si Purbasari, budak bau cikur? Naha? Naha lain Aceuk anak nu pangkolotna? Aceuk teu tarima!”

Pangrasa haté nu keur dirasa ku Purbararang téh rupa-rupa, iwal ……

• séwot

• kuciwa

• kasirihan

• teu ridho

• éra

Salim: Édi, ulah gancang teuing bahaya!

Édi: Jah! Ari peuting mah sepi, moal nanaha! (Salim nyusul tuluy ditarik ka tukang)

Salim: Urang ngeureunan heula!

Édi: Lah! Atuh amih téréh anjog!

Salim: Urang téh mawa surat penting!

Édi: Nu matak éta!

Salim: Eureun, Édi! Tanggungjawab mun aya nanaon!

Édi: Siap, Lim! Komando aya di manéh.

Konflik dina sempalan drama di luhur nyaéta ……

• Pacogrégan anatara Salim jeung Édi

• Hayang eureun sabab hayang istirahat.

• Parebut komando

• Hariwang mawa surat penting sing teu salamet

• Sieun indit-inditan ti peuting

Kadéngé sora narator: Pajajaran nagri asri sugih mukti pasir wukir lohjinawi, nagara kerta raharja. Sepi paling towong rampog, parentul gunung nu subur, tegalan ancal-ancalan, lembur tingrunggunuk, rahayatna suka bungah, murah sandang murah pangan, reumbeuy beuweungeun, rambay alaeun.

Éta cutatan teh bagian carita nu mimiti diwanohkeun ka panongton. Dina wangun carita drama éta bagian disebutna …….

• dialog

• prolog

• monolog

• epilog

• candraan dina awal babak

Dina bagian ahir pintonan drama, sok aya omongan keur méré kacindekan (kesimpulan) carita atawa amanat pikeun nu nongton drama, nu disebut .......

• prolog

• épilog

• dialog

• monolog

• adegan

Di kantin sakola pas jam istirahat Férdi jeung Dito keur ngobrol.

Férdi    : Dito, isukan urang kerja kelompok Basa sunda yu?

Dito     : Emang aya tugas kelompok? Urang poho euy!

Ferdi    : Yéh, manéh mah pohoan, pan rék prakték drama, kudu nyieun téksna heula.

Dito     : Eh… heueuh nya, hayu atuh, isukan di imah maneh!

Di mana Dito jeung Ferdi rék kerja kelompok ….

• di sakola

• di kelas

• di kantin

• di imah Dito

• di imah Férdi

Nu mangrupa kalimah teu langsung nyaéta ......

• Saur bu guru tugasna kempelkeun minggon payun.

• Bapa naros ka Galih, "Naon nu rék disumbangkeun ka nu kabanjiran téh?"

• "Enjing abdi badé ngempelkeun sumbangan kanggo korban bencana alam banjir. " saur Aa ka Ibu.

• "Sabaraha urang nu maot dina musbah banjir téh Bu?" saur Bu Ika ka Bu Néndén.

• "Hayu angkat, bilih hujan mantén!" ceuk Adi ka Zaénal.

Nu mangrupa kalimah langsung nyaéta ......

• "Hapus heula borna!" saur Bu Guru ka Hadiman.

• Bu Guru miwarang ka ketua kelas sangkan nyandak buku paket di perpustakaan.

• Rani nyarita yén kamari manéhna geus ulin ka Pangandaran.

• Saur Pa Guru dinten enjing latihan drama.

• Rani ngajak kuring ulin ka Pangandaran.

Purbararang: (Bari ngacungkeun curuk) Rama Prabu téh teu adil. Naha anu dijungjung jadi ratu bet Si Purbasari, budak bau cikur? Naha? Naha lain Aceuk anak nu pangkolotna? Aceuk teu tarima!”

Bagian kramagung dina dialog Purbararang nyaéta dina kalimah ........

• Rama Prabu téh teu adil.

• Naha lain Aceuk anak nu pangkolotna?

• Aceuk teu tarima!

• (Bari ngacungkeun curuk)

• Naha anu dijungjung jadi ratu bet Si Purbasari, budak bau cikur?