3rd Quarter Examination - Araling Panlipunan Reviewer

Sa pagpapakahulugan sa matinding damdaming makabayan na ipinakita tungo sa matinding pagmamahal para sa inang bayan, aling konsepto ang pinakangkop sa sumusunod na sitwasyon: Sa gitna ng panahon ng kagipitan at pang-aapi, isang grupo ng mga mamamayan ang nag-organisa ng malawakang protesta laban sa dayuhang pwersa na naghahari sa kanilang bansa. Nagpakita sila ng determinasyon at pagkakaisa upang ipagtanggol ang kanilang kasarinlan at kalayaan laban sa pananakop ng ibang bansa.

• Kolonyalismo

• Imperyalismo

• Merkantilsmo

• Nasyonalismo

Ano ang uri ng pamahalaan na kung saan ipinapakita ang pananaw ni John Locke na ang kapangyarihan ng gobyerno ay mula sa tao at nasusunod ang gusto ng nakararami?

• Totalitarian

• Demokrasya

• Monarkiya

• Diktatoryal

Sa kabila ng kahilingan ni Haring Henry IV na alisin ang ekskomulgasyon sa kanya ngunit hindi ito ginawa ng Papa, ano ang kanyang ginawa upang patawarin ng Papa?

• Pinagkalooban ni Haring Henry IV ang Papa ng mga kayamanan na magagamit ng Simbahan.

• Bumaba sa pwesto bilang hari si Henry IV.

• Tumayo si Haring Hnery IV nang nakayapak sa labas ng palasyo ng Canossa sa hilagang Italy ng tatlong araw.

• Pumunta si Haring Henry IV sa Simbahan at kinausap nang maayos ang Papa.

Sa konteksto ng hari na humirang ng mamamayang nagpapatupad ng batas at nagsasagawa ng paglilitis at pagpaparusa sa korte ng palasyo, ano ang naging resulta nito?

• Ang mga mamamayan ay nag-aalay ng serbisyo sa hari nang walang hinihinging sahod.

• Ang katapatan ng mamamayan ay lumipat mula sa panginoong maylupa tungo sa pamahalaan na may kakayahang protektahan sila.

• Ang katapatan ng mamamayan sa panginoong maylupa ay higit pang tumibay dahil sa haba ng panahon na ang panginoong maylupa ang kanilang tinitingala.

• Wala namang nabago sa katapatan ng mamamayan sa panginoong maylupa o kaya ay sa hari.

Paano mapananatili ng isang bansa ang balance ng kalakalan?

• Kailangang titiyakin ng pamahalaan na mas maraming ginto ang iniluluwas kaysa inaangkat.

• Kailangang titiyakin ng pamahalaan na laging maayos ang pag-aangkat ng mga produkto sa ibang bansa.

• Kailangang titiyakin ng pamahalaan na laging mataas ang mabebenta na mga iba’t ibang kalakal sa ibang bansa upang makabili ng ginto’t pilak.

• Kailangang titiyakin ng pamahalaan na mas marami ang iniluluwas kaysa inaangkat upang mas maraming ginto at pilak ang papasok sa bansa.

Sino ang kilala bilang ang unang Europeong manlalayag na nakatuklas at namalita sa Bagong Daigdig o New World?

• Bartolomeu Dias

• Amerigo Vespucci

• Ferdinand Magellan

• Christopher Columbus

Alin sa mga sumusunod na pahayag ang naglalarawan kung bakit mahalaga ang mga spices para sa mga Europeo?

• Dahil gagawin nila itong kalakal.

• Dahil sa mahilig silang mag-experiment sa pagkain.

• Dahil ginagamit nila itong palamuti sa kanilang bahay.

• Dahil ginagamit nila itong pampalasa sa pagkain, sangkap sa pabango, kosmetiks at medisina

Ano ang pinakamahalagang nadiskubre o napatunayan ng ekspedisyon ni Ferdinand Magellan?

• Ang mundo ay bilog

• Mayaman sa ginto ang Pilipinas

• Mayaman ang kultura ng mga taga-Silangan

• Masagana ang kultura ng mga taga-Silangan

Alin sa mga pahayag na ito ang tumutukoy sa teoryang heliocentric ni Copernicus?

• Ang mga planeta sa solar system ay umiikot sa sarili nitong aksis.

• Ang araw ang sentro ng kalawakan at ang mga planeta ay umiikot dito.

• Ang ating mundo ang nag-iisang planet na may kakayang magbigay ng buhay.

• Ang araw at buwan ay umiikot sa iba’t-ibang planeta ng solar system.

Kanino ipinangalan ang kontinenteng America?

• Bartolomeu Dias

• Ferdinand Magellan

• Amerigo Vespucci

• Christopher Columbus