Asesmen Bersama Bahasa Jawa

Wacan 1 (kanggo mangsuli soal no 1 – 4) 

Kocap kacarita, sajroning lelana sawise nglakoni paukuman buwang limalas taun Rama, Sinta, lan Lesmana tekan nang tengah alas. Nalika tetelune isih ngaso, Sinta kaget amarga mirsani sesawangan sing edi peni. Ana kewan kidang sing merak ati, rupane ayu, polahe trengginas, lan kulite awarna mas. Kidang mlayu mrana-mrene mlumpat-mlumpat nggodha ati. Sinta kepencut, pingin kagungan kidang sing endah kuwe. Mula kanthi temen, Sinta nyuwun maring Rama supaya nyekel kidang kencana kuwe kanggo dheweke. Rama tresna banget maring garwane, mula kanthi bombonging ati dheweke nyembadani panyuwune Sinta.

Tegese tembung kocap kacarita yakuwe….

• carita

• crita

• dak critani

• dicritakna

Sing dikarepake tetelune yakuwe ….

• wong telu

• telu-telune

• ana telu

• Rama, Sinta, lan Lesmana

Kewan sing duwe warna mas yakuwe ….

• iwak mas

• kidang kencana

• merak

• trenggiling

Sing klebu watake Sinta yakuwe….

• welas asih

• aleman

• gampang kasilep marang endahe barang

• irinan

Wacan 2  kanggo mangsuli soal no 5 – 8 

Sadurunge Rama mbedhag kidang kencana, dheweke pesen maring adhine yakuwe Lesmana. “Lesmana, tulung jaganen mbakyumu, sajrone aku mbedhag kidang kencana, keslametane mbakyumu tek pasrahana maring sliramu, aja pisan-pisan kowe ninggalna Sinta dhewekan.” “Sendika dhawuh kangmas Rama, pesenipun kangmas badhe kula estokaken, atos-atos kangmas,” mangkono ature Lesmana.

Raden Lesmana kuwe sedulure Raden Ramawijaya, yakuwe ….

• kangmase

• adhine

• ipene

• mbakyune

Pesene Rama maring Lesmana yakuwe….

• diutus njaga Dewi Sinta

• diutus ati-ati

• diutus mbedhag kidang kencana

• diutus ninggalna Dewi Sinta

Mbedhag tegese yakuwe ....

• manah

• mbeburu

• nembak

• nyekel

Watake Lesmana yakuwe….

• Duwe rasa tanggung jawab sing gedhe.

• Tresna banget maring garwane.

• Welas asih maring sisihane.

• Trampil mbeburu.

Wacan 3 kanggo mangsuli soal no 9 – 12 

Rama enggal-enggal nggoleti lacake kidang kencana, terus ditutna nganti tekan tengah alas gung liwang-liwung. Sorote srengenge wis ora bisa nembus alas maning. Peteng dhedhet suasanane, lacake kidang kencana ora keton. Nalika atine Rama trataban, saklebatan keton ayang-ayange kidang kencana. Sanalika Rama nglepasna jemparing, kidang kencana kena panahe Rama. Kidang kencana ambruk nang lemah, jemparing nembus awake. Nanging ana kedadean kang aneh, kidang kencana muksa disusul metune buta Kalamarica nyuwara seru. Pambengoke Kalamarica kaprungu nganti tekan saindhenging alas. Kaprungu mirip banget kaya swarane Rama kang lagi kena musibah.

Alas gedhe sing durung tau diambah manungsa, wit-witane rungkut, peteng dhedhet, kewane galak-galak, akeh dhemite, diarani alas ....

• lindung

• gung liwang-liwung

• bakau

• karet

Setting panggonane crita Kidang Kencana yakuwe nang….

• saindhenging alas

• pinggir alas

• wetan alas

• tengah alas