Unang Pagsusulit sa Pagbasa

1. Magdamag na pinag-aralan ni Dionela Magdangal ang pagsusulit sa asignaturang Pagbasa. Kabilang sa paghahanda ang muling pagsulat niya ng kaniyang lecture sa isang malinis na papel at pag-record ng sariling boses habang nagbabasa upang muling mapakinggan. Kinabukasan, bagsak ang nakuhang marka ni Dionela dahil sa hindi pagsunod sa panuto. Anong makrong kasanayan ang nagkaroon ng kakulangan?

2. Literal na walang kaalaman si Haring Manggi sa pagkuha ng ritrato o photography, ngunit dahil sa labis na kagustuhan ay dumalo ito sa isang seminar. Matapos ang palihan, nagkaroon ng kaayusan ang pagkuha ni Haring Manggi ng mga ritrato na siyang dahilan ng kaniyang labis na pagkatuwa. Mula noon, siya ang naging Head Photojournalist ng kanilang paaralan. Anong yugto ng proseso ng pagbasa ang pinakanamutawi sa pangyayaring ito?

3. Ang tunay na may pag-unawa ay yaong malalim kung mag-isip at hindi ang nag-iisip nang malalim. Upang maunawaan ang pahayag, anong antas ng pagbasa ang kailangang taglayin?

4. Nakasalalay ang interes sa pagkilatis sa pisikal na anyo ng isang babasahin. Nakatutulong ang pagtingin sa mga larawan, pag-alam sa timpla ng kuwento, at paglalapat ng wastong estratehiya sa pagbasa. Sa anong kasanayan sa mapanuring pagbasa ito nakapaloob?

5. Sampung minuto bago matapos ang klase ni G. Hev Abi ay inatasan niya ang kaniyang mga mag-aaral na ilabas ang kanilang mga diksyunaryo bilang paghahanda sa isang maikling aktibidad. “Itala sa isang buong papel ang sampung salita na inyo nang nalalaman at gamitin ito upang makabuo ng isang makabuluhang pangungusap.” Sa anong teorya ng pagbasa ito nakapaloob?

6. Bawat mag-aaral na nasa ika-12 baitang ay kinakailangang makabuo ng isang pananaliksik na nagbibigay pokus sa mga problemang kinahaharap sa kanilang istrand. Sa kanilang pananaliksik, kinakailangan nilang magkaroon ng 15-20 hanguan para sa bahagi ng pagsusuri ng kaugnay na literatura. Humanap sila mula sa iba’t ibang hanguan at binasa ang mga artikulong may kaugnayan sa kanilang pag-aaral. Anong uri ng mapanuring pagbasa ang ipinatupad?

7. ABNKKBSNPLAKO. Alin sa mga yugto ng proseso ng pagbasa ayon kay William S. Gray ang ginamit sa pagbasa?

8. Sinubukang basahin ni Oni ang pahayag na nakasulat sa baybayin, ngunit wala siyang sapat na kaalaman dito. Kaya naman, siya ang nagsaliksik sa internet upang matutuhan ang mga karakter ng baybayin. Sa anong antas ng pagbasa ito sumasailalim?

9. Nang sumapit ang bakasyon ay naisipan ni Skusta na basahing muli ang kaniyang paboritong libro. Habang nagbabasa ay kusang pumapasok sa kaniyang isipan ang mga susunod na pangyayari sa kuwento. Anong teorya ng pagbasa ang ipinakita rito?

10. Kinakatawan ko ang pandalawangpu’t isang titik sa alpabetong Pilipino o isang letra na hindi mawawala sa salitang “taksil”? Ako ay ikaw sa impormal na dayalogo sa ingles? Ako ay iyong matutunton kung ikaw ay babasa pabalik, siyam na hakbang mula sa dulo ng alpabetong ingles? Ako ay ako sa wikang ingles o letrang patinig sa salitang titik? Ako ay si?