Pagtukoy sa Pananaw ng May-akda

Alin ang nagpapahayag sa pananaw ng may akda?

• Tumutukoy sa nais iparating at motibo ng manunulat sa teksto.

• Tinutukoy rin dito ang suliranin o pangunahing tanong ng akda na nais  

      solusyunan ng may akda.

• Ipinahihiwatig ang pakiramdam ng manunulat sa teksto.

Alin ang nagpapahayag sa layunin ng may akda?

• Tumutukoy sa nais iparating at motibo ng manunulat sa teksto.

• Tinutukoy rin dito ang suliranin o pangunahing tanong ng akda na nais   solusyunan ng may akda.

• Ipinahihiwatig ang pakiramdam ng manunulat sa teksto.

Alin ang nagpapahayag sa damdamin ng may akda?

• Tumutukoy sa nais iparating at motibo ng manunulat sa teksto.

• Tinutukoy rin dito ang suliranin o pangunahing tanong ng akda na nais  

      solusyunan ng may akda.

• Ipinahihiwatig ang pakiramdam ng manunulat sa teksto.

Ano ang pananaw ng may akda sa balita?

Maynila, Pebrero 3, 2025 — Nagdulot ng malawakang pagbaha sa ilang bahagi ng Maynila ang malakas na pag-ulan na tumagal nang halos tatlong oras kahapon ng hapon.

Ayon sa ulat ng Philippine Atmospheric, Geophysical and Astronomical Services Administration (PAGASA), sanhi ng pagbaha ang matinding pag-ulan dulot ng isang low-pressure area na kasalukuyang nakakaapekto sa Metro Manila at kalapit na mga lalawigan.

Ilang pangunahing kalsada tulad ng España Boulevard at Taft Avenue ang hindi madaanan ng mga sasakyan dahil sa mataas na antas ng tubig. Nakaapekto rin ito sa daloy ng trapiko at nagdulot ng pagkaantala sa pag-uwi ng mga manggagawa at estudyante.

Nagpaalala ang lokal na pamahalaan sa publiko na mag-ingat at iwasan muna ang pagbiyahe sa mga binahang lugar. Nakatutok naman ang mga awtoridad sa pagbibigay ng agarang tulong sa mga apektadong residente.

• Ang malakas na ulan ay nagdulot ng baha sa Maynila

• Maraming mga basurang nakabara sa kanal kaya hindi nakadaloy ang baha.

• Ang babala ng PAGASA sa mga taga Maynila

Ano ang pananaw ng may akda sa balita?

Asahan ang lalo pang pagsipa ng presyo ng mga produktong petrolyo sa mga susunod na linggo dahil sa paglusob ng Russia sa Ukraine. Sinabi rin ng opisyal na walang direktang epekto sa supply ng langis sa Pilipinas ang banggaan ng Russia at Ukraine dahil hindi direktang nanggaling sa Russia ang krudo na ginagamit sa bansa. Inaasahan ng mga analyst na ang presyo ng krudo sa world market ay aabot sa $120 per barrel sa mga darating na linggo.

• Ang giyera sa pagitan ng Russia at Ukraine

• Ang pagtaas ng presyo ng langis dahil sa hidwaan ng Russia at Ukraine

• Ang mga produktong petrolyo na dadalhin sa Pilipinas

Ano ang pananaw ng may akda sa balita?

Nakapagtala na ang COMELEC ng 63 milyong botante sa bansa. Limang milyon umano sa mga bagong dagdag dito ay ngayon palang unang makakaboto o first time voters. Ang kabataan nga ang pag-asa ng bayan, sabi nga ni Gat Jose Rizal, bilang malaking porsyento sa first-time voters na ito ay nasa 15-24 taon lamang.

• Ang pagtatala ng COMELEC ng maraming botante sa bansa

• Ang bilang ng mga bagong botante sa bansa

• Ang kabataan ay pag-asa ng bayan kaya kailangang bumoto nang tama.

Ano ang iyong pananaw sa saknong ng tula ni Andres Bonifacio?

Pag-ibig sa Tinubuang Lupa

Ni Andres Bonifacio

Aling pag-ibig pa ang hihigit kaya
Sa pagkadalisay at pagkadakila
Gaya ng pag-ibig sa Tinubuang lupa?
Aling pag-ibig pa? Wala na nga, wala.

Pagpupuring lubos ang palaging hangad
Sa bayan ng taong may dangal na ingat,
Umawit, tumula, kumanta't sumulat,
Kalakhan din niya'y isinisiwalat.

Walang mahalagang hindi inihandog
Ng may pusong mahal sa Bayang nagkupkop,
Dugo, yaman, dunong, katiisa't pagod,
Buhay ma'y abuting magkalagut-lagot.

• Ang pagbubuwis ng buhay para sa bayang mahal

• Ang pagmamahal sa sariling adhikain

• Ang pagmamagaling sa sariling bayan

Ano ang pananaw ng may akda sa Panatang Makabayan?

• Mga tungkuling dapat gawin ng isang mag-aaral upang mapaglingkuran ang bansang Pilipinas.

• Ang mga pangako sa paaralang dapat sundin

• Ang pagiging isang munting bayani ng bayan

Ano ang pananaw ni Dr. Jose Rizal sa kanyang tulang ginawa?

Sa Aking Mga Kababata

Pagka’t ang salita’y isang kahatulan
Sa bayan, sa nayo’t mga kaharian,
At ang isang tao’y katulad, kabagay
Ng alin mang likha noong kalayaan.

Ang hindi magmahal sa kanyang salita
Mahigit sa hayop at malansang isda,
Kaya ang marapat pagyamaning kusa
Na tulad sa inang tunay na nagpala.

• .Ang pagkakaroon ng Kalayaan ng Pilipinas ay kailangang ipagpatuloy.

• Ang paggamit ng sarilng wika ay nagpapakita ng pagmamahal sa bansa.

• Ang pagtangkilik sa ibang wika ay nagpapakita ng pagpapahalaga sa bansa.