FIRST QUARTER GRADE 9

Ayon kay Dr. Manuel Dy, isang propesor ng Pilosopiya sa Ateneo de Manila University, binubuo ng mga tao ang lipunan at binubuo ng lipunan ang mga tao. Ito ay nangangahulugang:

• Ang tao ang gumagawa sa lipunan at kaalinsabay nito ay ang lipunan at hinuhubog ng lipunan ang mga tao.

• Ang tao ang bumubuo sa lipunan dahil mula sa kaniyang pagsilang ay nariyan na ang pamilyang nag-aaruga sa kaniya; binubuo ng lipunan ang tao dahil matatagpuan ang tao sa lahat ng bahagi nito.

• Ang tao ang bumubuo sa lipunan dahil ang kanilang mga kontribusyon ang nagpapalago at nagpapatakbo dito; binubuo ng lipunan ang mga tao dahil ang lipunan ang nagbubuklod sa lahat ng tao.

• Ang tao ang bumubuo sa lipunan dahil pamilya ang nag-aruga sa tao at dahil matatagpuan ang tao sa lahat ng bahagi nito; binubuo ng lipunan ang tao dahil sa lipunan makakamit ang kaganapan ng kaniyang pagkatao.

Ang sumusunod ay hadlang sa pagkamit ng kabutihang panlahat maliban sa:

• Paggawa ng tao ayon sa kaniyang pansariling hangad

• Pagkakaroon ng pakiramdam na mas malaki ang naiaambag ng sarili kaysa sa nagagawa ng iba

• Pakikinabang sa benepisyong hatid ng kabutihang panlahat subalit pagtanggi sa pagbabahagi para sa pagkamit nito

• Pagkakait ng tulong para sa kapuwa na nangangailangan

Ano ang pagkakaiba ng lipunan sa komunidad?

• Sa lipunan, ang nangingibabaw ay ang iisang tunguhin o layunin samantalang sa komunidad ang mahalaga ay ang pagkakabukod-tangi ng mga kabilang dito.

• Sa lipunan, ang pangkat ng mga tao ay may nagkakaisang interes, mithiin, at pagpapahalaga samantalang sa komunidad, ang namumuno ang nagbibigay ng direksiyon sa mga taong kasapi nito.

• Sa lipunan, ang namumuno ay inatasan ng mga mamamayan na kamtin ang mithiin ng mga kasapi nito samantalang sa komunidad, ang mga tao ang nararapat na manaig sa pagkamit ng kanilang mga mithiin.

• Sa lipunan, mas malaking pamahalaan ang nakasasakop samantalang sa komunidad ay mas maliit na pamahalaan.

Ang buhay ng tao ay panlipunan. Ang pangungusap ay:

• Tama, dahil sa lipunan lamang siya nakapamumuhay

• Tama, dahil lahat ng ating ginagawa at ikinikilos ay nakatuon sa ating kapuwa

• Mali, dahil may mga pagkakataong ang tao ang nagnanais na makapag-isa

• Mali, dahil may iba pang aspekto ang tao maliban sa pagiging panlipunan

Ang sumusunod ay elemento ng kabutihang panlahat maliban sa:

• Kapayapaan

• Katiwasayan

• Paggalang sa indibidwal na tao

• Tawag ng katarungan o kapakanang panlipunan ng lahat

Ano ang tunay na layunin ng lipunan?

• kapayapaan

• kabutihang panlahat

• katiwasayan

• kasaganaan

Ano ang kabutihang panlahat?

• Kabutihan ng lahat ng tao

• Kabutihan ng mga pangkat na kasapi ng lipunan

• Kabutihan ng bawat indibidwal na kasapi ng lipunan

• Kabutihan ng lipunang nararapat bumalik sa lahat ng mga kasapi nito

Alin sa sumusunod ang maaaring ihambing ang isang lipunan?

• Pamilya

• Barkadahan

• Organisasyon

• Magkasintahan

Alin sa sumusunod ang nagpapakita ng mahusay na pamamahala?

• May pagkilos mula sa mamamayan patungo sa namumuno

• May pagkilos mula sa namumuno patungo sa mamamayan

• May pagkilos mula sa mamamayan para sa kapuwa mamamayan lamang

• Sabay ang pagkilos ng namumuno at mamamayan

Sino ang may tungkulin na pangalagaan ang nabubuong kasaysayan at kinabukasan ng pamayanan?

• Batas

• Kabataan

• Mamamayan

• Pinuno