Iba't ibang uri ng Pangungusap

Habang naglalakad si Sharmaine sa Brgy. Ilayang Kinagunan, nakita niyang maraming bata ang naglalaro sa damuhan. Aling pangungusap ang nagpapakita ng pasalaysay?

• Ang saya ng mga bata habang naglalaro sa damuhan.

• Halika, maglaro tayo sa damuhan.

• Huwag kayong maglaro sa gitna ng daan.

• Ang saya naman dito sa damuhan!

Nagwawalis si Michael sa kanilang bakuran nang makita niyang nagkalat ang mga tuyong dahon. Ano ang maaaring sabihin niya sa kanyang kapatid gamit ang pautos na pangungusap?

• Pakitulungan mo akong walisin ang mga dahon.

• Ang dami namang dahon sa bakuran natin!

• Bakit hindi mo tinulungan si Nanay kanina?

• Ang sipag mo naman sa paglilinis!

Nanalo si Princess sa paligsahan ng pagsayaw sa kanilang paaralan sa Brgy. Ilayang Kinagunan. Ano ang maaaring sabihin ni Princess gamit ang padamdam na pangungusap?

• Yehey! Nanalo ako sa patimpalak!

• Ako ang nanalo sa patimpalak ng pagsayaw.

• Ano kaya ang premyo ko sa patimpalak?

• Dapat mas galingan ko pa sa susunod na patimpalak.

Nawala ang pitaka ni Jenny habang namimili sa palengke sa Agdangan. Aling pangungusap ang maaaring itanong niya?

• Sino ang nakakita ng pitaka ko?

• Nawawala ang pitaka ko sa palengke.

• Ang malas ko naman, nawala ang pitaka ko!

• Pakibalik naman ang pitaka ko.

Nakakita si Lyra ng isang matandang nahihirapang tumawid sa kalsada sa Bayan ng Agdangan. Ano ang maaaring sabihin niya upang humingi ng tulong?

• Tulungan natin si lola na tumawid sa kalsada.

• Bakit nahihirapang tumawid si lola?

• Kawawa naman si lola, nahihirapan siyang tumawid.

• Ang bait mo naman kung tutulungan mo si lola.

Habang naglalaro si Jonalyn sa may ilog sa Agdangan, bigla siyang nadulas at nahulog sa tubig. Ano ang maaaring isagot niya gamit ang pangungusap na padamdam?

• Naku! Basa ang damit ko!

• Nadulas ako sa ilog at nabasa ang damit ko.

• Ano kaya ang gagawin ko ngayon?

• Kailangan kong umuwi at magpalit ng damit.

May bagong proyekto ang guro nila John Rich sa paaralan sa Brgy. Ilayang Kinagunan. Ano ang maaaring itanong niya sa kanyang guro?

• Kailan po ipapasa ang proyekto?

• Ang dami namang kailangang gawin sa proyekto!

• Dapat nating tapusin ang proyekto sa oras.

• Napakagandang proyekto ito, ma’am!

Nagkaroon ng malakas na bagyo sa Agdangan kaya kailangang lumikas ng pamilya ni Jacob. Ano ang maaaring sabihin ng kanyang ama?

• Mag-impake na kayo ng ating mga gamit at lumikas tayo agad.

• Ang daming tubig sa labas ng bahay!

• Bakit kaya bumaha nang ganito kalaki?

• Naku! Ang taas ng baha!

Habang nagbabasa ng libro si Jessie, natutunan niya ang tungkol sa kasaysayan ng Brgy. Ilayang Kinagunan. Aling pangungusap ang nagpapakita ng pasalaysay?

• Ang Brgy. Ilayang Kinagunan ay mayaman sa kasaysayan.

• Ano ang pinagmulan ng Brgy. Ilayang Kinagunan?

• Napakaganda ng kasaysayan ng ating barangay!

• Basahin mo ang librong ito tungkol sa ating kasaysayan!

Habang nag-eensayo sa table tennis si Jerald sa Ilayang Kinagunan Elementary School, bigla niyang naramdaman ang sakit sa kanyang paa. Ano ang maaaring itanong niya sa kanyang coach?

• Coach, pwede po bang magpahinga muna ako?

• Ang sakit ng paa ko!

• Naku! Masakit ang paa ko!

• Hindi ko yata kaya pang maglaro.