ҚФаОРро4652315Қ

Науқас Ш., 25 жаста, жатырдан қан кетуіне байланысты гинекологиялық клиникаға жеткізілді. Анамнезінен белгілі болғандай, науқасқа үй жағдайында заңсыз түсік жасалған. Қанның ұю жүйесін зерттеу кезінде қандағы фибриногеннің күрт төмендеуі, тромбоциттер санының азаюы және протромбин индексінің төмендеуі анықталды. Қанның ұю уақыты айтарлықтай ұзартылған. Қанның фибринолитикалық белсенділігі күрт жоғарылаған. Науқасқа фибриноген мен е-аминокапрон қышқылы құйылғаннан кейін қан кету тоқтады.

Сұрақ: Жоғары фибринолиздік белсенділіктің қандай клиникалық салдары науқастағы қан кетудің дамуында негізгі рөл атқарады?

• Қалыптасқан фибрин ұйындысының тез бұзылуы

• Шамадан тыс микротромбтардың түзілуі

• Сүйек кемігінде тромбоциттер түзілуінің төмендеуі

• Плазмадағы ұю факторларының тікелей бұзылуы

• Ұюға қарсы жүйедегі бұзылыс (протеин C-нің жоғары белсенділігі)

Слава К., 12 жаста, тізе жарақатынан кейінгі ауырсынуға және жалпы әлсіздікке шағымданады. Дене температурасы – 38°C.

Анамнезінен белгілі болғандай: балада мезгіл-мезгіл мұрыннан қан кету болғандығы және

бірнеше рет несепте қан қоспасы анықталған.

Объективті: сол жақ тізе буынының көлемі ұлғайған, пальпация кезінде қатты ауырады. Буын аймағында кең көлемді теріастылық қан құйылу бар. Буындағы қозғалыс шектелмеген. Ішкі ағзалар жағынан патологиялық өзгерістер анықталмаған

Қан талдауы: Hb – 82 г/л., Эритроциттер – 3×10¹²/л., Түстік көрсеткіш – 0,83, Лейкоциттер – 10,0×10⁹/л., Тромбоциттер – 200 000.

Қанның ұю жүйесі: Қанның ұю уақыты күрт баяулаған (тіпті 3 сағат ішінде толық ұю байқалмайды)

Қан ағу ұзақтығы – қалыпты. «Манжета» сынамасы – теріс.

Протромбин уақыты (индексі) – қалыпты көрсеткіштерден төмен.

Тромбин уақыты – жоғарылаған.

 Сұрақ: Гемостаздың қай кезеңінде бұзылыстар орын алды?

• Біріншілік гемостаздың бұзылуы (тромбоциттердің адгезиясы мен агрегациясы)

• Сыртқы ұю жолының активациясының бұзылуы (VII фактор)

• Жалпы (соңғы) ұю кезеңінің бұзылуы – фибриногеннің фибринге айналуы

• Фибринолиздің бұзылуы (плазмин жүйесінің гиперактивациясы)

• Ұюға қарсы жүйедегі бұзылыс (протеин C-нің жоғары белсенділігі)

45 жастағы науқас аш қарынға және түнде пайда болатын, сондай-ақ қыжыл мен мерзімді жүрек айнуымен қатар жүретін жоғарғы құрсақ аймағындағы ауырсынуға шағымданды. Тамақтан кейін ауырсыну уақытша басылады, бірақ бірнеше сағаттан кейін қайта күшейеді. Анамнезінде аурудың бірнеше өршу эпизодтары болған, олар медикаментозды емделгенімен, симптомдар қайта қайталанады.
Эндоскопиялық зерттеу нәтижесінде асқазан қабырғасының созылмалы ойық жарасы анықталды. Дәрігерлер селективті ваготомия жүргізу туралы шешім қабылдайды.

Сұрақ: Бұл операцияның негізгі мақсаты қандай?

• Асқазан сөлінің агрессивті қасиеттерін азайту үшін парасимпатикалық әсерлердің төмендеуі

• Асқазан шырышты қабығының қорғаныс механизмдерін күшейту, өйткені мукоидтардың секрециясы артады

• Симпатикалық әсерлерді күшейту, нәтижесінде асқазан трофикасының жақсаруы

• Симпатикалық әсерлерді күшейту, нәтижесінде асқазан сөлінің агрессивтілігінің төмендеуі

• Ваготомия – ескірген операция, оның патогенетикалық тиімділігі дәлелденбеген

Адам тұмаумен ауырған кезде гомеостаздың көптеген параметрлері өзгереді. Ең бірінші өзгеретін нәрселердің бірі - дене температурасы.

Сұрақ: Дене қызуы жоғарылағанда қандағы оксигемоглобин мөлшері қалай өзгереді?

• артады

• төмендейді

• өзгеріссіз қалады

• бастапқыда төмендеп, соңынан артады

• бастапқыда артып, сосын тұрақты болып қалады

Дәрігерге қан қысымының төмендеуі, бұлшықет әлсіздігі және қан құрамындағы натрий деңгейінің төмендеуі сияқты белгілері бар науқас келді. Лабораториялық зерттеулер оның қандағы калий деңгейінің жоғары екенін көрсетті. Дәрігер бүйрек өзекшелеріндегі натрий мен судың реабсорбциясын реттейтін гормонның жетіспеушілігін болжады.
Сұрақ: Қай гормон осы үдерісті реттейді?

• Вазопрессин (АДГ)

• Инсулин

• Адреналин

• Альдостерон

• Кортизол

Клиникалық сынақта зерттеушілер еріктілердің тізетобық сіңірін ұрады.
Нәтижелер:
• Дені сау еріктілерде: тізе-жазу рефлексі қалыпты.
• Жоғарғы қозғалтқыш нейрондары зақымданған еріктілерде: рефлекстертері шамадан тыс күшті (гиперрефлексия).
Сұрақ: Жоғарғы қозғалтқыш нейрондары зақымданғандардағы гиперрефлексияның себебі не?

• Төменгі қозғалтқыш нейрондардың зақымдануы

• Төмен бағытталған тежегіш жолдар қызметінің бұзылуы

• Бұлшықет ұршықтарының шамадан тыс белсенділігі

• Жүйке-бұлшықет түйіспесінде ацетилхолиннің бөлінуінің күшеюі

• Альфа-қозғалтқыш нейрондардың қозғыштығының төмендеуі

19 жастағы колледж студенті қабылдау бөліміне жалпы әлсіздікке, бұлшық еттерінің жиырылуына, саусақтары мен ауыз айналасындағы шаншуға шағымданып келді. Жақында ол құрамында көмірсуы аз қатаң диетаны бастады және сұйықтықты көп ішеді.

Объективті: пульс 64 рет/мин, АҚҚ 100/60 мм.сын.бағ., тынысы қалыпты. Еріннің бұрышына жақын жерді жеңіл түрткенде, бет бұлшықеттерінің жиырылуы пайда болады.

Зертханалық мәліметтер:

• Na⁺: 140 ммоль/л (қалыпты: 135–145)

• K⁺: 4,0 ммоль/л (қалыпты: 3,5–5,0)

• Ca²⁺ (бос/белсенді): 0,95 ммоль/л (қалыпты: 1,1–1,3)

• Mg²⁺: 0,7 ммоль/л (қалыпты: 0,7–1,0)

• Қанның рН: 7,48 (қалыпты: 7,35–7,45)

Сұрақ: Төмендегі механизмдердің қайсысы науқастағы өзгерістерді түсіндіреді?

• Нейрондардың шекті потенциалының төмендеуі

• Әрекет потенциалының амплитудасының төмендеуі

• Калий үшін мембрана өткізгіштігінің жоғарылауы

• Натрий каналының блокадасы

• Гипокальциемияға байланысты нейрондардың қозғыштығының жоғарылауы

19 жастағы жасөспірім бетінде және денесінде түктердің өспейтіндігі, жыныстық белгілерінің дамымағандығы жайында шағымдармен эндокринолог дәрігерге қаралған. Науқас төмен либидо, тұрақты шаршау және тұрақты жаттығуларға қарамастан бұлшықет массасын алу қиындықтары туралы хабарлайды. Бойы – 180 см, салмағы – 55 кг.

Физикалық тексеру: Әлсіз көрінетін екіншілік жыныстық белгілер; Аталық без көлемі кіші; Еркек үлгідегі түктер өспеген; Гинекомастия.

 

Зертханалық мәліметтер: Тестостерон: айтарлықтай төмен; ЛГ және ФСГ - жоғары; Пролактин - қалыпты;

Кариотип: 47,XXY
Сұрақ: Бұл науқаста аталық жыныс бездерінің гипофункциясы нәтижесінде қандай физиологиялық қызмет бұзылған?

• Лейдиг жасушаларының андроген секрециясы және сертоли жасушаларымен іске асатын сперматогенез

• Эпифиздің мелатонин өндіруі

• Аналық бездердің эстрадиол түзілуі

• Гипофиздің пролактиннің бөлінуі

• Қалқанша безінің тиреотропты гормандар әсерінен белсенденуі

ЭКГ-да барлық тіркеулерде бірдей P-Q интервалы барлық жерде ұзарғаны байқалды. P тісшесі және  QRS кешені өзгермеді,  R-R интервалы тұрақты. 

Сұрақ: Қандай электрофизиологиялық үрдістердің өзгергені байқалады?

• Бахман шоғыры өткізгіштігінің баяулауы

• Бахман шоғыры өткізгіштігінің жылдамдауы

• Гисс аяқшаларында өткізгіштігінің жылдамдауы

• сол жақ қарыншаның өткізгіштігінің баяулауы

• оң жақ қарыншада өткізгіштігінің жылдамдауы

Тәжірибе барысында жануарда шартты рефлекс қалыптастырған: қызыл жарық (шартты тітіркендіргіш) қосылғанда бірнеше секундтан кейін оған азық берілген. Бірнеше күндік жаттығудан кейін жануар жарық қосылғанда бірден сілекей бөлетін болған. Алайда, кейінірек шүйде бөлігінің қыртысы зақымданғанда, көздің көру қабілеті (қарашық әсерленісі және жарыққа бейімделу әсерленісі) өзгеріссіз қалғанына қарамастан, қалыптасқан рефлекс толықтай жойылған,

Сұрақ: Қалыптасқан шартты тағамдық рефлекс неліктен жойылды?

• Көру жүйкесі зақымдалған

• Самай бөліктің қыртысында өткізгіштік бұзылған

• Префронталды қыртыстың ұласқан аймағы зақымдалған

• Шартты рефлекстердің қыртысасты орталығы зақымдалған

• Көру талдағышының қыртыстық бөлімі зақымдалған