LATIHAN SOAL MATERI WARTA BASA SUNDA

“Salian ti méré béja, fungsi warta séjénna téh nyaéta mangrupa kontrol sosial. Upamana waé warta anu eusina soal kateureugeujeugan di masarakat, anu maksudna sangkan aya tarékah pikeun ngoméan kaayaan anu teu reugeujeug téa. Tujuanna sangkan kaayaan di masarakat jadi leuwih hadé”.

Kecap kateureugeujeugan anu nyampak dina éta kalimah téh upama dina basa Indonésia mah sarua jeung kecap ....

• ketidakberesan

• ketidakjujuran

• ketidakmungkinan

• kejadian-kejadia

• keadaan-keadaan

Titénan kalimah ieu di handap!

“Rita téh lahir di Sukabumi, 16 Désémber 1984. Paribasa Sunda téng manuk téng anak merak kukuncungan loyog pisan dilarapkeun ka Rita. Mun anjeunna masagi dina seni Sunda, pinter ngawih, tari jeung nabeuh waditra, horéng éta téh bakat anu ngocor ti ibuna, Iis Rohayati, juru kawih Sunda.”

Unsur anu kakandung dina éta cutatan téh nyaéta ....

• who/saha

• Where/dimana

• When/iraha

• How/kumaha

• Why/naha

Warta bisa dibagi jadi dua, contona warta anu dimuat dina koran/majalah jeung warta anu ditayangkeun dina TV/internét. Éta pembagian warta téh dumasar kana ….

• biaya produksi anu dipiboga

• média anu digunakeun

• hadé goréngna informasi

• saeutik lobana informasi

• eusi informasi anu ditepikeun

Sikep anu hadé nalika urang narima hiji warta nyaéta ....

• neureuy buleud-buleud informasi anu katarima

• maca saeutik, tuluy nyebarkeun éta warta ka nu séjén

• nyaring informasi sarta néangan bebeneran ti sumber anu resmi atawa geus dipercaya

• teu percaya ka sakur warta anu ditepikeun ku batur, lantaran teu kasaksian ku soranggan

• nganggap yén sakabéh informasi anu ditepikeun dina media massa téh bener

Warta téh nyaéta iber ditulis dumasar kana ....

• Opini

• Rékaan

• Sawangan

• Paguneman

• Fakta

Baca kalawan gemet cutatan warta ieu di handap!

“Pamiarsa, Bandung téh euyeub pisan ku kulinérna.sajabi ti euyeub téh deuih, pada migandrung ku balaréa. Hiji dianatarana nyaéta kupat tahu gempol, kupat tahu nu geus aya ti taun genep limaan kénéh.

Sumangga nyanggakeun wartana.

Kupat tahu gempol téh kaasup salah sahiji kulinér nu kajojo di Kota Bandung, buktina nu ngadon ngararasakeun ni’matna ieu kaolahan téh teu weléh balik deui.”

Kutipan warta di luhur kaasup kana warta anu ilaharna dipidangkeun dina ....

• koran élektronik

• TV

• média sosial

• majalah

• média cetak

Dina kalimah pananya mindeng kapanggih kecap “why” anu fungsina keur nanyakeun ....

• posisi atawa pilihan

• barang, kajadian, atawa kaayaan

• tempat atawa posisi

• cara atawa prosés

• kasang tukang kajadian

Kamajuan téhnologi informasi hésé dibendungna. Salah sahiji cara pikeun ngungkulan pangaruh goréng informasi anu teu bener nyaéta ku cara ....

• Ngabénténgan barudak sakola ku élmu pangaweruh pikeun nyaring informasi nu katarima

• Méré pangaweruh ka barudak sakola sangkan ulah percaya kana sagala informasi di internét

• Ngalarang barudak sakola maké internét sangkan ngurangan resiko tina pangaruh negatif

• Teu kudu ngawanohkeun barudak sakola kana élmu téhnologi jeung internét

• Ngawatesan barudak sakola dina muka jeung ngagunakeun internet

Naon pangna struktur téks warta téh sok digambarkeun siga jurutilu tibalik atawa “piramida terbalik”?

•   Sabab anu ditulis pangmimitina nyaéta paragraf anu pangpondokna, beuki ka handap paragrafna beuki manjangan

• Sabab anu ditulis pangmimitina nyaéta paragraf anu pangpanjangna, beuki ka handap paragrafna beuki mondokan

• Sabab anu ditulis pangmimitina, éta anu dianggap bagian anu pangpentingna, beuki ka handap beuki ngurangan unsur pentingna

• Sabab anu ditulis pangmimitina éta anu dianggap bagian anu kurang penting, beuki ka handap beuki nambahan unsur pentingna

• Sabab téma utama dina téks warta sok ditulis dina paragraf anu pangtungtungna

Di nagara urang, aya tetekon ngeunaan warta,salah sahijina nyaéta kode étik jurnalistik.

Kecap tetekon dina kalimah di luhur miboga harti anu sarua jeung ... dina basa Indonesia

• Istilah

• Aturan

• Teori

• Konsep

• Undang-undang