Baca an nyimak helu isi bacaan akan manjawab soal nomor 1 sampai soal nomor 8
Cerita rakyat adat tiwah asal Kalimantan Tengah (Lalohan)
Lalohan, huang basa Dayak Ngaju baarti lanting je kilau jukung eka malalus are macam acara adat, huang Masyarakat Dayak Ngaju je baagama Kaharingan. Lalohan kea kilau tamparan acara Tiwah.
Sehelo bara malalus ucara Tiwah, biasae Masyarakat atawa keluarga akan malalus acara ada pesta Tiwah akan malalus are macam persiapan, tatame lalohan je baarti manyiap are macam keperlua adat je bahubung dengan acara adat pesta Tiwah.
Mairing lalohan te Masyarakat omba malalus gawi te dengan magah bantuan akan kelurga je hamdak Tiwah, sehingga narai macam kaperluan tuntang kabutuhan katahin pelaksanaan acara pesta Tiwah te uras sukup, aloh bahan panginan atawa peralatan.
Lalohan tau kea illus awi Masyarakat je baasal bara lewu lewu pangkatukep atawa kaluarga je baasal bara lewu beken, dengan maimbit peralatan atawa bantuan je ihapan katahin upacara Tiwah te ilalus.
Lalohan ilalus hapa magah peraltan adat atawa barang barang bantuan bara lewu lewu je tukep eka Tiwah, misale bantuan meto hapan pesa katahin acara Tiwah. Acara magah meto te akan Tiwah kea inyewot lalohan atawa halanting.
Nampara bara manolak manuju eka Tiwah, lalohan iiring dengan upacara adat, kilau bagian bara pelaksanaan upacara hai te. Kalote kea katika sampai atawa dumah into eka Tiwah, lalohan akan inyambut denan upacara adat.
Huang upacara penyambutan te kadue pihak, je tege hunjon lalohan tuntang je tege hong palabuhan akan bapander sahelo bara manyarah barang je iagah akan acara adat. Metoh te kea ilalus penyambutan kilau rombongan je ihormat.
Huang perkembangan wayah toh, adat laluhur lalohan te manjadi ie macam acara manarik wisata adat je tau impaju. Paling dia, dengan gawai hai impahayak dengan are macam gawi budaya tinai, tatame pesta rakyat je mampahayak, lalohan tau menjadi kakuatan hapa manarik turis.
Paling dia, dengan manggatang budaya lalohan, akan labih mangasene adat tatu hiang akan generasi panarus. Tau manjadi, dengan samakin are bagian bagain adat je tagatang, pelestarian adat samakin murah ilalus.
Narai arti Lalohan …
