Kuis Perangan Omah Joglo

Warisan budaya Jawa kang isih asring kita prangguli yaiku cakrik omah tradhisional Jawa. Salah sijine cakrik omah Jawa diarani omah Joglo. Cakrik omah Joglo iki sejatine ora mung tinemu ing tlatah Ngayogyakarta wae, ananging uga tinemu ing tlatah Jawa Tengah lan Jawa Wetan. Cakrik omah adat utawa omah tradhisional iki duwe titikan kang seje lan mligi, bisa kanggo mbedakake karo omah tradhisional Jawa liyane.

Intisarine andharan ing ndhuwur kasebut yaiku ...

• Cakrik omah tradhisional kalebu warisan budaya Jawa.

• Cakrik omah tradhisional duwe ciri kang seje karo omah moderen.

• Cakrik omah tradhisional ing Jawa Tengah lan Jawa Timur iku beda.

• Cakrik omah tradhisional kang paling beda yaiku Ngayogyakarta.

Perangan-perangan omah Joglo duwe piguna dhewe-dhewe. Perangan paling ngarep yaiku regol, minangka dalan tumuju pomahan. Saka regol tumuju menyang pendhapa. Pendhapa iki biasane awujud bangunan kang bukakan, tanpa ditutup nganggo tembok, gunane kanggo ngadani kegiyatan kayadene pagelaran, rapat, upacara adat lan sapanunggalane. Kegiatan kang ditindakake ing pendhapa lumrahe kanthi gelaran, lesehan.

Andharan ing ndhuwur kasebut wose yaiku ngandhakake ...

• Perangan omah kang diarani regol

• Pigunane perangan-perangan omah Joglo

• Titikane pendhapa omah Joglo lan pigunane

• Kegiyatan kang ditindakake ing pendhapa

Perangan katelu yaiku pringgitan. Pringgitan iku mujudake ruwangan kang mapan ing antarane pendhapa lan emperan. Pringgitan iki ing jaman biyen digunakake kanggo pagelaran wayang. Bok menawa saka tembung paringgitan banjur katelah dadi pringgitan kang tegese papan kanggo pagelaran wayang utawa ringgit. Perangan sabanjure yaiku emperan. Emperan nggathukake perangan pringgitan lan omah jero. Emperan iki lumrahe digunakake kanggo nemoni dhayoh, mula ing emperan iki asring ditatani meja lan kursi.

• Minangka papan musyawarah utawa rembugan

• Minangka papan pagelaran wayang

• Minangka papan kanggo nemoni dhayoh

• Minangka papan kang asipat pribadi

Omah jero utawa dalem, mligi kanggo samubarang kang asipat pribadi. Perangan iki lumrahe kanggo mapan wong kang duwe omah sakaluwargane. Perangan omah kang ana ing omah jero antarane senthong utawa bilik. Ana senthong kiwa, senthong tengah, lan senthong tengen. Senthong kiwa lan senthong tengen duwe piguna kang padha yaiku minangka papan mirunggan, bisa kanggo nyimpen barang, bisa uga dadi papan kanggo turu utawa peturon. Senthong tengah duwe piguna kang mligi yaiku lumrahe minangka boma, pedaringan lan krobongan. Saliring lumakune wektu, senthong tengah digunakake kanggo papan nyimpen barang-barang aji kayata pusaka, uga kanggo papan manembah marang Gusti.

Initisarine wacan ing dhuwur yaiku ...

• samubarang kang asipat pribadi

• senthong tengah minangka paturon

• senthong kiwa minangka krobongan

• perangan sarta pigunane omah jero

Banguntapan ngadani Merti Dhusun kanthi pagelaran wayang kulit sewengi natas ing joglodaleme Pak Raden, panggedhe ing desa kasebut. Pagelaran wayang mau digelar ana ing ...

• regol

• pendhapa

• pringgitan

• gandhok

Pak Raden kagungan karsa syukuran. Acarane kalaksanan ing dina Minggu awan. Kabeh sedulur lan krabat padha teka, kepara sedulur kang saka adoh wis padha mlumpuk wiwit dina Setu, mula banjur diaturi nginep ing ...

• pringgitan

• emperan

• senthong

• gandhok

Wiwit dina Kemis akeh tangga teparo kang padha ewang-ewang ing daleme Pak Raden. Ana kang kapatah nyawisake unjukan lan uga dhaharan. Kanggo nyawisake unjukan lan dhaharan iku mau para warga padha olah-olah ing ...

• pawon

• emperan

• gandhok

• pendhapa

Dina Setu para warga padha ngadani parepatan ing daleme Pak Raden. Parepatan diadani ing pendhapa kanthi gelaran klasa. Para tamu panggedhe uga para warga padha lungguh ing gelaran kabeh.

Pitutur kang bisa dijupuk saka andharan kasebut yaiku ...

• panggedhe kudu luwih diormati tinimbang wong cilik.

• wong cilik papane ana ing ngisor jalaran luwih asor.

• panggedhe lan wong cilik kudu bisa manunggal

• panggedhe iku lumrahe apa-apa kudu didhisikake

Perangan omah Joglo iki mujudake papan kang dianggo nyimpen barang-barang aji kayadene pusaka, kitab, keris, lan liyan-liyane.

Miturut andharan ing ndhuwur, perangan omah kasebut yaiku ...

• gandhok

• senthong kiwa

• senthong tengen

• senthong tengah

Perangan omah iki gunane kanggo mlebu tumuju ing pomahan, lumrahe mapan ing ngarep, ngadhepake dalan.

Perangan omah kasebut ing ndhuwur yaiku ...

• regol

• gandhok

• senthong

• pawon