KUSOMA

Hadithi Fupi: "Zawadi ya Mti"

Katika kijiji cha Maporomoko, waliishi watu waliopenda mazingira. Lakini miaka ya hivi karibuni, miti mingi ilikuwa imekatwa ili kupisha mashamba. Kijiji kilianza kukumbwa na ukame, vumbi, na upepo mkali. Watoto walikuwa wanaugua kila mara kutokana na hewa chafu.

Siku moja, bibi mmoja aitwaye Bi. Koko aliwaita wanakijiji chini ya mti mkubwa wa mkwaju uliokuwa umebaki. "Mti huu ndiyo sababu ya kivuli hiki, hewa safi, na ndege wanaoimba kila asubuhi," alisema.

Bi. Koko alieleza faida za miti—zinatoa hewa safi, kivuli, chakula kama matunda, na husaidia kuzuia mmomonyoko wa udongo. Wanakijiji waliguswa sana. Walikubaliana kupanda miti mingi. Miaka miwili baadaye, kijiji kilibadilika na kuwa na kijani kibichi, watoto walicheza kwa furaha, na hata mvua ilianza kunyesha vizuri.

Tangu siku hiyo, miti iliheshimiwa kama zawadi ya thamani.

MASWALI

1. Kijiji kilichozungumziwa kwenye hadithi kinaitwaje?

---

• Maporomoko

• Mlimani

2. Ni nini kilitokea baada ya miti mingi kukatwa?

• Kulikuwa na mvua nyingi

• Kulikuwa na ukame na hewa chafu

3) Bi. Koko aliwaita wanakijiji kukutana wapi?

• Nyumbani kwake

• Chini ya mti wa mkwaju

4) Ni faida ipi ya miti haikutajwa katika hadithi?

• Kuzuia mmomonyoko wa udongo

• Kutengeneza viti

5. Ni hatua gani wanakijiji walichukua baada ya kushauriwa?

• Walipanda miti mingi

• Walikata miti yote

6. Ni nani aliyetoa elimu kuhusu faida za miti?

• Mwalimu Musa

• Bi. Koko

7. Kulingana na hadithi, nini kilianza kuboreka baada ya miaka miwili?

• Mazingira yalibadilika kuwa ya kijani

• Maji yalitoka ardhini

8. Watoto walikuwa wanaugua kwa sababu gani?

• Walikuwa wanakula sana

• Hewa ilikuwa chafu

9. Hadithi inaonyesha umuhimu wa nini hasa?

• Kuthamini miti

• Kula matunda

10. Jina la mti mkubwa uliobaki ni upi?

• Mkuyu

• Mkwaju