Rebyuwer para sa Unang Markahang Pagsusulit sa Filipino 10

"Iniwan ni Rhea ang kaniyang tiyo at nagpakasal kay Mars, ang diyos ng digmaan." Aling maylaping salita sa pangungusap ang nangangahulugang nakipag-isang dibdib?

• A. digmaan

• B. kaniyang

• C. Iniwan

• D. nagpakasal

"Inalagaan at pinasuso sina Romolus at Remus ng lobo hanggang sila ay matagpuan at masagip ng isang magpapastol." Aling maylaping salita sa pangungusap ang nangangahulugang makita?

• A. Inilagaan

• B. masagip

• C. matagpuan

• D. pinasuso

"Dinakip si Rhea ng kanyang masamang tiyuhin." Ano ang kasingkahulugan ng dinakip?

• A. hinuli

• B. kinulong

• C. pinatakas

• D. pinatay

"Itinuring ang kambal na parang tunay na anak ng mag-asawang pastol kahit sila ay napulot lamang sa gubat." Aling maylaping salita sa pangungusap ang nangangahulugang pinahalagahan?

• A. itinuring

• B. napulot

• C. parang

• D. tunay na anak

"Ang masamang tiyuhin ay nainggit kung kaya't pinatay niya sina Rhea at Mars. Inutusan rin niya ang alipin na patayin sina Romulus at Remus." Aling salita sa pangungusap na ito ang may kayarian na panlaping kabilaan at may kahulugang inatasan.

• A. inutusan

• B. masama

• C. patayin

• D. pinatay

"Nagsilang si Rhea ng kambal na lalaki, sina Romulus at Remus. Ang kambal ay lumaking ulila sa magulang." Aling maylaping salita sa pangungusap ang nangangahulugang nanganak?

• A. kambal

• B. lumaki

• C. ulila

• D. nagsilang

"Ang hindi mapagkakatiwalaan sa maliit na bagay ay hindi rin mapagkakatiwalaan sa malaking bagay" Ano ang maaaring iugnay sa salitang ugat na tiwala ayon sa pahayag?

• salitang mabilis mawala

• salitang kailangan pagkaingatan

• salitang kailanma'y hindi agad maibabalik

• salitang maaring ibigay ng buo sa minamahal

"Nang marinig iyon ng mga Pariseo, kinutya nila si Jesus dahil mahal nila ang salapi." Ano ang maaaring iugnay sa salitang ugat na kutya ayon sa pahayag?

• pagtatakwil sa tao

• pananakit na pisikal

• panghahamak sa tao

• pang-aalipusta sa tao

(A. kaya't / B. saka) May nagsumbong sa isang taong mayaman na nilulustay ng kaniyang katiwala ang kanyang ari-arian             ipinatawag niya ang katiwala at tinanong.

• A. kaya't

• B. saka

(A. Pagkatapos / B. Unang)             tinawag ng katiwala ang may utang na isandaang tapayang langis.

• A. Pagkatapos

• B. Unang