AP 5 WEEK 3

Alin sa mga sumusunod ang pinakaangkop na kahulugan ng sining pagpapalamuti?

• Ang sining ng pagdidisenyo at pagtatayo ng mga gusali at iba pang estruktura.

• Ang paglikha ng magagandang bagay na masining para sa pang-araw-araw na gamit.

• Ang paglalagay ng mga permanenteng marka sa balat gamit ang tinta o pangkulay.

• Ang paggamit ng mga likas na materyal para sa likas-kayang pagtatayo ng gusali.

Ano ang kahalagahan ng kasuotan para sa mga sinaunang Pilipino maliban sa pagiging pananamit?

• Ito ay nagsisilbing proteksiyon lamang laban sa mainit na klima ng kapuluan.

• Ito ay ginagamit bilang palamuti na walang anumang simbolikong kahulugan.

• Ito ay pagpapahayag ng kultura, pamumuhay, at paniniwala ng isang tao.

• Ito ay saplot na gawa sa mamahaling materyales mula sa ibang bansa.

Sa kasuotang panlalaki, ano ang tawag sa piraso ng telang ipinupulupot sa ulo na nagpapakita ng katayuan at katapangan?

• Bahag

• Kangan

• Baro

• Putong

Para sa kababaihan, ano ang tawag sa mahabang tela na ibinabalot sa baywang at isinusuot sa ibabaw ng saya?

• Baro

• Saya

• Tapis

• Kangan

Anong pamamaraan sa paggawa ng alahas ang gumagamit ng wax bilang hulma para sa tinunaw na ginto?

• Pagpapanday

• Pagmamartilyo

• Lost-wax casting

• Pagpapatong-patong

Anong materyal ang isinusuot ng mga mandirigma bilang simbolo ng kanilang tapang at lakas?

• Alahas na may kasamang perlas at jade.

• Alahas na gawa sa purong pilak at tanso.

• Alahas na may kasamang ngipin ng pating o buwaya.

• Alahas na may mga batong agate at kabibe.

Anong pangkat etniko ang tinaguriang "Pintados" ng mga Espanyol dahil sa kanilang mga tato sa katawan?

• Mga Tagalog

• Mga Ilokano

• Mga Bisaya

• Mga Manobo

Alin sa mga sumusunod ang HINDI kabilang sa mga nabanggit na kahulugan o silbi ng isang tato?

• Simbolo ng pagkakakilanlan ng tribo o angkan.

• Tanda ng kayamanan na katumbas ng ginto.

• Proteksiyon laban sa masasamang espiritu.

• Dokumentasyon ng kasaysayan ng isang tao.

Sino ang tinatawag na mambabatok?

• Ang taong naglalagay ng palamuti sa ngipin.

• Ang taong gumagawa ng alahas gamit ang ginto.

• Ang taong naghahabi ng tela para sa kasuotan.

• Ang taong dalubhasa sa paglalagay ng tato sa balat.

Ano ang tawag sa proseso ng paglalagay ng gintong palamuti sa ngipin noong unang panahon?

• Batuk o Patik

• Bansil o Ulok

• Pusad o Halop

• Batek o Burik