FILIPINO 5 2ND PT REVIEWER

Nagkaroon ng pagtatalo sa klase pero pinili mong sumunod sa guro at huwag nang makisali. Alin sa sumusunod ang langkapang pangungusap?

• Hindi ako sumagot.

• Tumingin lang ako sa kanila at napailing.

• Tahimik lang ako sa aking upuan habang nagtatalo ang iba.

• Sumunod ako sa guro at hindi ko pinatulan ang mga kaklaseng nagtatalo.

Sa kang mag-aaral na palaging sumusunod sa patakaran ng paaralan. Sa kabila ng tukso ng mga kaklase na lumabag sa alituntunin, nanatili kang masunurin. Alin sa sumusunod ang langkapang pangungusap na akma sa sitwasyon?

• Palagi akong sumusunod sa utos ng aking guro.

• Sumusunod ako kahit na ako lang ang nakikinig sa guro.

• Sumusunod ako sa mga patakaran dahil ayaw kong mapagalitan.

• Masunurin ako sa paaralan at palagi kong isinasabuhay ang tamang asal kahit mahirap gawin.

Sa ginanap na pakitang-turo ni Gng. Santos sa GMRC, ipinakita ng mga mag-aaral ang kanilang proyekto tungkol sa recyclable materials. Sa lahat ng proyekto, ang gawa nina Jillian ang may __________ disenyo kaya ito nanalo. Anong angkop na pang-uri ang dapat gamitin?

• malikhain

• mas malikhain

• pinakamalikhaing

• napakamalikhaing

Ano ang dapat mong isama sa balita upang maging kompleto ang impormasyon?

• mga tula at kuwento tungkol sa baha

• mga salita na nagpapakita ng damdamin lamang

• mga impormasyon tungkol sa pista at kasiyahan

• mga petsa, lugar, taong sangkot at mga aksiyon ng pamahalaan

Ano ang tamang estilo na dapat gamitin sa pagsulat ng balita?

• Emosyonal at malikhain

• Nakaaaliw at nakatatawa

• Pormal at makatotohanan

• Mapang-uyam at padalos-dalos

Ang isang senador ay nagbabalangkas ng mga batas na tutulong sa mahihirap. Hindi niya iniisip ang personal na kapakinabangan. Ano ang pinakamalapit na kahulugan ng serbisyo sa sitwasyong ito?

• pagsunod sa mga utos lang

• pag-abuso sa kapangyarihan

• paggawa ng trabaho para sa sarili

• pagtulong sa kapuwa nang walang kapalit

Korapsiyon : Kawalan ng Pag-unlad. Aling hanay ng salita ang may kaparehong ugnayan sa unang pares?

• Sipag : Nilaga

• Pagtulog : Gutom

• Takot : Katapangan

• Disiplina : Kaayusan

Alin sa sumusunod na salita ang pinakaangkop na isulat sa patlang ng pormularyo sa ibaba? Pangalan: John Paul R. Gomez Baitang: 5 __________: December 23, 2014

• Kasarian

• Seksiyon

• Tirahan

• Petsa ng Kapanganakan

Paano ang tamang pagsagot sa isang pormularyo?

• Gumamit ng palamuti at emoji

• Maglagay ng mga pangungusap na mahahaba

• Isulat ang mga sagot sa wikang Ingles lamang

• Sagutin lamang ang hinihinging impormasyon nang malinaw at tama

Anong sanggunian ang makatutulong sa mag-aaral upang malaman kung anong buwan ang may pinakamaraming naitalang ulan sa Luzon?

• Almanac

• Atlas

• Bibliograpiya

• Talasalitaan