Футбол командасындағы 11 ойыншының орташа жасы 24. Ойын барысында ардагер ойыншыны жас ойыншыға ауыстырғаннан кейін ойыншылардың орташа жасы 23 болды. Ауысқан ойыншылардың жас айырмашылығын табыңыз.

Екі санның көбейтіндісі 1, ал айырмасы 5^0,5 . Осы екі санның қосындысының мәні бола алатын санды табыңыз.

Ағаш кесуші ағашты төрт бөлікке бөлу үшін 300 теңге алады. Тапсырушы 4200 теңге төлеген болса, қанша бөлік ағаш алынғанын табыңыз.

5 жеңімпазға 5 сыйлықты неше тәсілмен бөліп беруге болатынын табыңыз (3 сыйлық бірдей).

Қалтада 5 ақ, 6 қара және 7 көк шар бар. Қалтаның ішіне қарамастан 4 бір түсті шар шығарылғанына нақты сенімді болуы үшін, қалтадан кем дегенде қанша шар алуы қажет болатынын көрсетіңіз.

Қорапта 13 қызыл, 12 қара және 11 көк түсті қалам бар. Қораптың ішіне қарамастан 3 қызыл және 5 қара қалам шығарылғанына нақты сенімді болуы үшін, қораптан кем дегенде қанша қалам алуы қажет болатынын көрсетіңіз.

Сыныпта 10 оқушы бар. Мұғалім кез келген 3 оқушының үй жұмысын тексермекші. Осы оқушыларды неше әдіспен таңдауға болатынын табыңыз.

Марат досына қоңырау шалайын десе соңғы бес цифрын білгенмен (екі цифр ғана бірдей), орналасу ретін ұмытып қалды. Ол досымен сөйлесу үшін ең көп дегенде неше рет қоңырау шалады?

5 карточкада А, Қ, З, Қ, А әріптері жазылған. Карточкаларды бір-бірден кездейсоқ таңдап алғанда ҚАЗАҚ сөзінің шығу ықтималдығын табыңыз.