Удвој го бројот 15.

Преполови го бројот 50.

Двојно од 17 е

Преполови го бројот 64.

Удвој го бројот 48.

Преполови го бројот 72.

Двојно од 49 е

Половина од 80 е

Половина од 86 е

Ема од својот дедо добила 68 денари. Половина од сумата ги потрошила за да купи дрвени боички. Колку денари и останале?

На еден натпревар во знаење учествувале 94 ученици. Половина од учениците не се пласирале во полуфинале. Колку ученици учествувале во полуфиналето од натпреварот?

Во една паралелка 8 од учениците биле момчиња, а девојчиња имало два пати повеќе од момчиња. Колку вкупно ученици имало во паралелката?

Насер има 14 бонбони, а Давид 22 бонбони. И Насер и Давид изеле половина од своите бонбони. Кој има сега повеќе бонбони и за колку?

Симона има 56 години. Мери има половина од годините на Симона. Колку години има Мери?

Во еден сад имало црвени, сини и жолти топчиња. Црвени топчиња биле 12, сини биле двојно повеќе отколку црвени, а жолти имало двојно повеќе отколку сини топчиња. Колку вкупно топчиња имало во садот?

Растојанието од Тетово до Скопје е 42 километри. Леонид патувал од Тетово до Скопје и повторно од Скопје се вратил во Тетово. Колку километри поминал Леонид?

Јована има лента долга 36 сантиметри, а Кристина лента долга колку половина од должината на лентата на Јована. Колку изнесува должината на лентата на Кристина?

Најди го бројот што го замисли Омер, ако се знае дека тој број изнесува половина од четвртиот парен број од шестата десетка.

Ања во едниот џеб има 64 денари, а во другиот џеб половина од таа сума. Колку вкупно денари има Ања?