NEW
Font size
WorksheetsՄայրենի 4
Total questions: 8
Worksheet time: 4mins
Մի անգամ առավոտյան կողմ երկու ծերացած հոպոպներ` արու ու էգ թռչունները զգացին, որ արդեն ի վիճակի չեն բնից թռչել , հեռանալ: Փառակալած աչքերով այլևս անկարող էին տեսնել դեղին արևի լույսը, թեև երկինքը պարզ էր: Երկուսն էլ տեսնում էին պղտորություն և ուրիշ ոչինչ: Նրանք ծեր էին ու տկար: Թևերի ու պոչի փետուրները կորցրել էին իրենց փայլը և կոտրվում էին: Զառամյալ հոպոպները որոշեցին այլևս չհեռանալ բնից և սպասել իրենց վերջին ժամին:
Բայց շուտով հայտնվեցին նրանց ժառանգները : Նախ երևաց զավակներից մեկը: Նա տեսավ, որ տարիքն առած ծնողները վատառողջ են , և դժվար կլինի մենակ ապրելը ու թռավ լուր տալու քույրերին ու եղբայրներին: Երբ բոլոր ջահել հոպոպները հավաքվեցին հայրական բնում , նրանցից մեկն ասաց.
-Մեր ծնողները մեզ տվել են մեծագույն ու անգին պարգև՝ կյանք: Նրանք կերակրել , պահել, մեծացրել են մեզ ՝ չխնայելով ոչինչ: Եվ հիմա , երբ երկուսն էլ վատառողջ են , աչքի լույսից զուրկ ու ի վիճակի չեն մենակ ապրելու՝ մեր սուրբ պարտքն է խնամել մեր ծնողներին:
Այս խոսքերից հետո բոլորը գործի կպան: Ոմանք անհապաղ ձեռնարկեցին նոր , ավելի տաք բույն հյուսելուն , ուրիշները թռան որդ ու բզեզ որսալու, մնացածները թևեցին անտառի կողմը: Շուտով պատրաստ էր նոր բույնը , ուր և ձագերը հոգատարությամբ փոխադրեցին ծնողներին: Ապա ծնողներին աղբյուրի ջուր խմեցրին , կուշտ կերակրեցին ՝ զգուշորեն պոկելով նրբափետուրներն ու ջարդոտված բմբուլները:
Վերջապես անտառից վերադարձան մնացածները՝ կտուցներում կուրությունը բուժող խոտ պահած: Նրանք համբերատար սկսեցին բուժել իրենց ծնողներին ՝ փոխարինելով իրար և ոչ մի րոպե մենակ չթողնելով հիվանդներին:
Եվ ահա եկավ ցանկալի օրը, հայրն ու մայրը բաց արին աչքերը , տեսան ու ճանաչեցին իրենց ուստրերին ու դուստրերին: Այսպես որդիական երախտագիտությունն ու սերը բուժեցին ծնողներին՝ նրանց վերադարձնելով աչքի լույսն ու կորովը:
1.Բնութագրի´ր հոպոպներին:
ծեր. տկար
ջահել
առողջ
2. Հայրական բնում հոպոպների զավակներն ի՞նչ որոշեցին:
ա/ Ծնողներն ապրեն մենակ:
բ/ Հոպոպներն ապրեն հին բնում:
գ/ Մեր սուրբ պարտքն է խնամել մեր ծնողներին:
դ/ Հոպոպներից մեկը խնամի նրանց:
Ի՞նչ որոշեցին զառամյալ հոպոպները:
ա/ Հեռանալ բնից:
բ/ Տեղափոխվել ժառանգների մոտ:
գ/ Չհեռանալ բնից և սպասել իրենց վերջին ժամին:
դ/ Դիմել բժշկի
Ընտրիր ճիշտ տարբերակը
փոքրիկ եղեվնի
երփներանգ ծաղիկներ
սիրելի հորեղպայր
արեվոտ օր
Ո՞ր բառի իմաստն է ՝ բերանը ջուր առնել:
ա. վախենալ
բ. ուրախանալ
գ. լռել
դ. խոսել
Տրված բառերից որի՞ դիմաց է ճիշտ նշված նրա տեսակը ՝ ըստ կազմության:
ա. նուռ- պարզ բառ
բ. հեքիաթային - նախածանցավոր բառ
գ. պատվավոր- բարդ բառ
դ. բամբակ - վերջածանցավոր բառ
Տրված բառերից յուրաքանչյուրի դիմաց նշված է , թե այն ինչ խոսքի մաս է: Ո՞ր
տարբերակում է ճիշտ նշված:
ա. տասնչորս - գոյական
բ . պատմել - թվական
գ. սառը – ածական
դ. որ – բայ
10. Ո՞րն է տրված նախադասության ենթական :
Տերևը թռչում էր և վախեցած ներքև նայում:
թռչում է
նայում է
տերևը
ներքև
