მოცემული რიცხვებიდან 60, 21, 22, 16, 48 და 13, რომელი ორი უნდა შევკრიბოთ იმისათვის, რომ მიღებულ რიცხვში იყოს შვიდი ერთეული და სამი ათეული?

სანდრომ დაასახელა რიცხვი, რომელიც თორნიკემ გაანახევრა. თორნიკეს მიერ მიღებული რიცხვის მომდევნო რიცხვია 9. რა რიცხვი დაასახელა სანდრომ?

თეფშზე დევს ყურძენი, დაჭრილი მსხალი, დაუჭრელი ვაშლი და დაჭრილი ატამი. კობამ თეფშიდან რომელიღაც ხილი აიღო. ცნობილია, რომ მას არ აუღია არც ყურძენი და არც დაჭრილი ხილი. რომელი ხილი აიღო კობამ?

ვატოს აქვს 8 ლარი. მარის ვატოზე 5 ლარით მეტი აქვს. ნუცას მარიზე 3 ლარით ნაკლები აქვს. რამდენი ლარით მეტი აქვს ნუცას ვატოზე?

თავდაპირველად კალათში რამდენიმე ვაშლი იდო. კალათიდან სამი ვაშლი ამოიღეს. თუ კიდევ ერთ ვაშლს ამოიღებენ, კალათში იმდენივე ვაშლი დარჩება, რამდენიც პირველად ამოიღეს. რამდენი ვაშლი იდო კალათში თავდაპირველად?

ბესოს სხვადასხვა ფერის ბუშტები ჰქონდა: 2 მწვანე, 3 ყვითელი და 7 წითელი. მას რამდენიმე წითელი ბუშტი გაუსკდა და გადააგდო. ახლა ბესოს იმდენივე წითელი ბუშტი აქვს, რამდენიც მწვანე და ყვითელი ბუშტები ერთად. რამდენი წითელი ბუშტი გაუსკდა ბესოს?

ხეს აქვს ხუთი დიდი ტოტი, თითოეულ დიდ ტოტს აქვს სამი საშუალო ზომის ტოტი, თითოეულ საშუალო ზომის ტოტს აქვს ორი პატარა ტოტი. სულ რამდენი პატარა, საშუალო და დიდი ზომის ტოტი აქვს ხეს?

თაროზე კოვზები და ჩანგლები აწყვია, სულ 16 ცალი. თუ თაროზე კიდევ 2 ჩანგალს დავდებთ, მაშინ კოვზების და ჩანგლების რაოდენობა გათანაბრდება. რამდენი კოვზი დევს თაროზე?

მერაბისა და ზაზას წლოვანებათა ჯამია 16. რამდენი წლისაა ზაზა, თუ მერაბი ერთი წლის წინ 4 წლის იყო?