Բրնձով և տարբեր չորամրգերով լցոնած ձուկ:

Հավի մսից պատրաստած հայկական ավանդական կերակրատեսակ չորաթանով (ոչ մեծ բլիթներ քամած և չորացրած մածունից) և սինդրիկով` համեմված կարմիր պղպեղով։

Հայկական խոհանոցի այս օրիգինալ կերակրատեսակը պատրաստվում է ոչխարի մսից, բամիայով, լոլիկով, կիտրոնով և մարալոթի կանաչիով (աճում է Նախիջևանի և Վայոց Ձորի տարածքում)։

Հորթի մսից, խմորե գնդիկներից և բլղուրից պատրաստվող ապուր, որի մեջ նաև ավելացնում են տոմատի սոուս և սպանախ։

Հայկական թթու ապուր, որը պատրաստում են ոչխարի մսից, բլղուրից և լոլիկից։ Այն ունի հատուկ թթու համ հոնի չրի և կիտրոնի շնորհիվ։ Այս ապուրը ռուսական սոլյանկայի և ուկրաինական ռասսոլնիկի նմանակն է։

Սիրված հայկական ճաշատեսակներից մեկը պատրաստում են տավարի տոտիկներից։ Այն ավանդաբար ուտում են վաղ առավոտյան տարվա ցուրտ եղանակին:

Հատուկ ձևով «ծեծված» խոշոր մսագնդիկներ, որոնք եփում են աղաջրում։

Արցախյան ճաշատեսակը, որը պատրաստվում է սագի կամ հավի մսից` սոխով և նուռով։

Մուսալեռում այն եղել է հովվի ճաշի անվանումը.մի քիչ ձիթապտուղ, մի հատ սոխ, լոլիկի մածուկ, ընկույզ և ձիթայուղ. ահա և համեղ կերակուրը հովվի։

Արցախյան, ինչպես նաև Կապանի և Գորիսի խոհանոցների ուտեստներից, որը բաղկացած է կանաչիներով լցված հացից։

Հայկական ճաշատեսակ, որը հիմնականում պատրաստվում է մսով և խմորով։

Խմորը բացում են լավաշի ձևով, կտրատում քառակուսի կամ կլոր, վրան դնում աղացած՝ սոխով, պղպեղով, կանաչիով, աղով համեմած մսի խճողակ։ Խմորը հավաքում են այնպես, որ միսը մնա կենտրոնում:

Սմբուկը տապակելուց հետո վերևից ճեղք է արվում և խորություն ստացվում «ձորի», «երախի» նման, որի մեջ լցոնում են տավարի միս՝ տապակած սոխով լոլիկի մածուկի մեջ:

Խմորից պատրաստված խորանարդիկների վրա ավելացնում են չորաթանի մածուկ և սոխառած:

Ձեզ դու՞ր եկավ ԳԿՀ-ի կազմած խաղը: