Актив бөлігінің ұзындығы 8 см өткізгіштегі ток күші 50 А-ге тең. Ол индукциясы 20 мТл біртекті магнит өрісіне орналастырылған. Егер өткізгіш индукция сызықтарына перпендикуляр 10 см-ге орын ауыстырса,жасалған жұмысты табыңыздар.

Электрон вакуумдегі индукциясы 0,1 Тл біртекті магнит өрісінде 3 Мм/с жылдамдықпен қозғалады. Электрон жылдамдығы мен индукция сызықтары арасындағы бұрыш 90⁰ болса, электронға әрекет ететін күш неге тең?

Индукциясы 0,1 Тл біртекті магнит өрісіне перпендикуляр болатын етіп кернеулігі 1кВ/м біртекті электр өрісі тудырылған. Зарядталған бөлшек өзінің түзусызықты траекториясынан ауытқымай, екі өріске де перпендикуляр қозғалады. Бөлшектің жылдамдығы қандай?

Көлденең қимасының ауданы 150 см² қысқа катушканың орамасында 200 орам бар. Оның бойымен 4 А ток өтеді. Катушка индукциясы 10 мТл біртекті магнит өрісінде орналасқан. Оған өріс тарапынан әрекет ететін айналу моментін табыңдар. Катушканың осьі өрістің күш сызықтарымен 60⁰ бұрыш жасайды.