წითელი ფანქარი უფრო გრძელია, ვიდრე მწვანე. მწვანე უფრო გრძელია, ვიდრე ლურჯი, მაგრამ უფრო მოკლეა, ვიდრე ყვითელი. რომელი ფანქარია ყველაზე მოკლე?

სალომემ ღობის უკან ბავშვების 6 ფეხი დაინახა. რამდენი ბავშვია ღობის უკან?

ერთ თეფშზე 6 ფორთოხალია. კიდევ რამდენი თეფშია საჭირო, რომ თითო თეფშზე 2 ფორთოხალი დადონ?

ნინომ 8 რვეული იყიდა და თავის შვილებს თანაბრად გაუნაწილა. თითოეულს 2 რვეული ერგო. რამდენი შვილი ჰყავს ნინოს?

ქოთანში 9 პატარა ყვავილია. ყვავილები სხვა ქოთნებშიც უნდა გადარგონ. კიდევ რამდენი ქოთანია საჭირო, რათა თითო ქოთანში 3 ყვავილი იყოს?

ნიკო ავტობუსით მგზავრობს. მის გარდა ავტობუსში მხოლოდ 8 მგზავრია. რამდენი ადამიანია ავტობუსში?

მე ჩავიფიქრე რიცხვი, რომელიც 9-ზე ნაკლები და 6-ზე მეტია. რა რიცხვი ჩავიფიქრე, თუ ეს რიცხვი ლუწია?

მე ჩავიფიქრე რიცხვი, რომელიც 11-ზე მეტი და 14-ზე ნაკლებია. რა რიცხვი ჩავიფიქრე, თუ ორ-ორად დათვლისასის არ შეგვხვდება?

კალათაში 10-ზე ნაკლები ვაშლია. მათი თანაბრად განაწილება შეიძლება როგორც 2, ისე 3 ბავშვზე. რამდენი ვაშლია კალათაში?