Պատկերացրե՛ք, թե Դուք Հաշտարարի գրասենյակի աշխատակիցներ եք: Ձեզ իրենց բողոքներն են ներկայացնում քաղաքացիները, և Դուք պետք է լսեք քաղաքացիների բողոքները և պատասխանեք հետևյալ հարցադրումներին.

•Արդյո՞ք պահանջը Հաշտարարի լիազորությունների շրջանակում է։ Եթե այո, արդյո՞ք Հաճախորդի պահանջը ենթակա է բավարարման, թե՝ ոչ, և հիմնավորեք պատասխանը։

Կարենը դիմել է Հաշտարարի գրասենյակ և նշում է, որ "Բ" բանկից լվացքի մեքենա գնելու համար 200,000 ՀՀ դրամի վարկ է ստացել: Մեկ ամիս հետո Կարենը տեղափոխվել է նոր աշխատանքի՝ ավելի բարձր եկամտով: Որոշ ժամանակ անց դիմել է Բանկ վարկը ժամկետից շուտ ամբողջությամբ մարելու համար, բայց Բանկը պահանջել է տուգանք վարկի 5%-ի չափով: Կարենը գտնում է, որ Բանկը խախտում է իր իրավունքը և խնդրում է Հաշտարարի օժանդակությունը:

Պատկերացրե՛ք, թե Դուք Հաշտարարի գրասենյակի աշխատակիցներ եք: Ձեզ իրենց բողոքներն են ներկայացնում քաղաքացիները, և Դուք պետք է լսեք քաղաքացիների բողոքները և պատասխանեք հետևյալ հարցադրումներին.

•Արդյո՞ք պահանջը Հաշտարարի լիազորությունների շրջանակում է։ Եթե այո, արդյո՞ք Հաճախորդի պահանջը ենթակա է բավարարման, թե՝ ոչ, և հիմնավորեք պատասխանը։

Նարեկը դիմել է Հաշտարարի գրասենյակ և նշում է, որ Ապահովագրական ընկերությունը մերժել է փոխհատուցել սեփականության իրավունքով իրեն պատկանող մեքենային պատճառված վնասն ԱՊՊԱ պայմանագրով՝ պատճառաբանելով, որ Նարեկը խախտել է ապահովագրական ընկերությանը ապահովագրական պատահարի մասին տեղեկացնելու ժամկետները․ 1 ժամվա ընթացքում է կապ հաստատել ապահովագրական ընկերության հետ և տեղեկացրել վթարի մասին։ Նարեկը գտնում է, որ Ապահովագրական ընկերությունը խախտել է իր իրավունքը և պահանջում է փոխհատուցում։

Պատկերացրե՛ք, թե Դուք Հաշտարարի գրասենյակի աշխատակիցներ եք: Ձեզ իրենց բողոքներն են ներկայացնում քաղաքացիները, և Դուք պետք է լսեք քաղաքացիների բողոքները և պատասխանեք հետևյալ հարցադրումներին.

•Արդյո՞ք պահանջը Հաշտարարի լիազորությունների շրջանակում է։ Եթե այո, արդյո՞ք Հաճախորդի պահանջը ենթակա է բավարարման, թե՝ ոչ, և հիմնավորեք պատասխանը։

Արթուրը Ա բանկի հաճախորդ է։ Բանկային հաշվի սպասարկման պայմանագրի համաձայն՝ նախատեսված չէ կանխիկացման միջնորդավճար։ Արթուրը հերթական անգամ կանխիկացում կատարելիս նկատում է, որ քարտին ավելի քիչ գումար է մնացել։ Կապ հաստատելով բանկի հետ, պարզում է, որ փոխվել են բանկային հաշվի սպասարկման պայմանները, և սահմանվել է 0․1% կանխիկացման միջնորդավճար։ Հարցին, թե ինչու Բանկը չի տեղեկացրել Արթուրին, Բանկի աշխատակիցը պատասխանում է, որ տեղեկատվությունը հրապարակվել է կայքում։ Արթուրը համաձայն չէ, կարծում է, որ Բանկը խախտել է իր իրավունքը, պահանջում է հետ վերադարձնել գանձված գումարը։