Ներկայացրեք բաց թողնված բառը Ճապոնացի հայտնի բանաստեղծ Բասիոյի հոկուում.

Մառախուղ և աշնան անձրև,

Բայց թող, որ չի երևում ...,

Ինչպես է ջերմացնում սիրտը նա:

(a)  

Բատոկա ցեղի որսորդները նրան անվանում են «Մոսի օ տունյա»: Իսկ ահա նրանց դիմաց բնակվող Մատաբալե ցեղի անասնապահները նրան տվել են մի այլ՝ ոչ պակաս պոետիկ անուն՝ «Չոնգուե», որ նշանակում է «Ծիածանի տուն»: Այսպիսով՝ ինչի՞ մասին էր խոսքը:

(a)  

Խայրամ Մաքսիմը իր անունը կրող հայտնի գնդացրի ստեղծողն է: Սարքը, որ գտնվում է Սև արկղում, նույնպես ստեղծել է Մաքսիմը: Առ այսօր արդիական այդ սարքը շատ ընդհանուր բաներ ունի գնդացրի հետ, երկուսն էլ ունեն մետաղական մասեր ու զսպանակներ և երկուսն էլ նախատեսված են սպանելու համար: Միայն թե Սև արկղում գտնվողը ավտոմատ ինքնալիցքավորվող չէ: Այսպիսով՝ ի՞նչ է Սև արկղում:

(a)  

Սև արկղում գտնվողների մի հավաքական ամբողջության մասին Էմմանուիլ Գաբելը արտահայտվել է այսպես. «Դրանք դառն են և՛ նրանց համար, ով դրանց փնտրում է, և՛ նրանց, ով դրանցից արդեն ունի»: Հարկ է ավելացնել, որ գործնականում դրանց չեն ուտում՝ նույնիսկ եփելուց հետո:

(a)  

Անեկդոտ: Հայկական ռադիոյին հարցնում են. «Ե՞րբ կլինի համաշխարհային սով»: Ռադիոն պատասխանում է. «Երբ չինացիները սկսեն օգտագործել ...»: Լրացրեք բաց թողնված բառը:

(a)  

1874 թ. ամերիկացի Ջոզեֆ Գլիդենը ստացավ արտոնագիր մի գյուտի, որը մեծապես նպաստեց տեղամասային արոտավայրերով անասնապահությանը մեծ հարթավայրերում: Հետագայում հայտնագործությունը սկսեց լայնորեն կիրառվել նաև մարդկային հարաբերությունների ասպարեզում, և սակայն՝ ոչ հումանիտար նպատակներով: Ի՞նչ ստեղծեց այդ մարդը:

(a)  

ԱՄՆ-ում գործում է օրենք, որը ընդունվել է ավելի քան 70 տարի առաջ և ըստ որի՝ նոր, մեծ ճանապարհների շինարարության ժամանակ շինարարները պարտավոր են յուրաքանչյուր հինգ մղոնը մեկ կառուցել բացարձակ հարթ՝ 1 մղոն երկարությամբ հատված: Իսկ ինչու՞:

(a)  

Սեսիլ Հեպֆորդի կողմից 1905 թ. նկարահանված և անսովոր ճանաչում գտած, փոքր բյուջեով «Ռովերի կողմից փրկվածը» ֆիլմը դարձավ առաջինը: Իսկ ինչո՞վ:

(a)  

Ռուսաստանում եվրոպական չափանիշներով առաջինը տեղի է ունեցել 1666 թ. մայիսի 29-ին: Հետագայում դրա տարածումը մեծ թափ ստացավ: Այդ տենդով վարակվել են նույնիսկ ազնվական տիկնայք: Ընդ որում՝ մահացությունը կանանց մոտ կազմել է 85%, իսկ տղամարդկանց մոտ՝ 40%: Ինչի՞ մասին է խոսքը:

(a)  

Գաբրովցին (հայկական տարբերակում`վանեցին) վճարելու պայմանով երկու երեխաների մասնակից է դարձնում կեռասի բերքահավաքին: Աշխատանքն ավարտելուց հետո նա մեկին կիսով չափ պակաս է վճարում: Վերջինիս դժգոհությանը գաբրովցին պատասխանում է, թե ընկերը ավելի շատ է ստանում, քանի որ աշխատանքի ողջ ընթացքում դա անելով է կեռաս հավաքել, իսկ ինքը՝ ոչ: Իսկ ի՞նչ անելով:

(a)  

Եգիպտոսի նախագահը 1967 թ. հունիսի 6-ին հայտարարում է, որ բրիտանական և ամերիկյան զորքերը, իր կարծիքով, աջակցում են Իսրայելին և հրամայում է փակել... ի՞նչը:

(a)  

Արաբները այսպես կոչված «ասեղի տան» շրջանակին պատկերում էին աղոթող մարդու: Եվ դա ուներ գործնական նշանակություն: Սև արկղում գտնվում է այն, ինչի հեռավոր ազգականին արաբները տվել են «ասեղի տուն» անունը: Ի՞նչ է Սև արկղում:

(a)  

Տարիներ առաջ ՀՀ Արտակարգ իրավիճակների նախարարությունը լույս ընծայեց պաստառ, որի առաջին պլանում հայտնի նկարչի հայտնի նկարն էր, իսկ ներքևում գրված էր. «Նախազգուշացված է, ուրեմն փրկված է»: Ո՞ր կտավի մասին էր խոսքը:

(a)  

Վաչագան Սարգսյանի ասույթներից. «Հիշեք. կանայք սիրում են ՇՓՈՒՄ՝ (a)   »: Լրացրեք ասույթը չորս բառով:

Ացտեկների ստեղծած եռամիության դաշնային զորքերի հարձակումը հանգամանորեն նախապատրաստվում էր: Ի վերջո կարևորն այն էր, թե ինչ կասեն այսպես կոչված «կիմիչտիններն» ու քրմերը: Իսկ ովքե՞ր էին այդ կիմիչտինները, եթե ացտեկերեն «կիմիչտին» նշանակում է մուկ:

(a)  

Մոնտեսքյուի արտահայտած միտքը բավականին արդիական է նաև այսօրվա Հայաստանի համար. «Հարկային գործում անհրաժեշտ է ի գիտություն ընդունել ոչ թե այն, ինչ ժողովուրդը կարող է տալ, այլ այն, ինչը նա կարող է տալ ...»: Ավարտեք միտքը:

(a)  

4-ից 3-ը նշում են, որ կեսօրից մինչև ժ. 15-ը արեգակի խավարում եղավ՝ ճիշտ այնքան, որքան դիմացավ նա: Ես ձեզ չեմ հարցնում, թե ովքեր են այդ չորսը: Իսկ ո՞վ էր նա:

(a)  

Երբ խոսում են դրա տևողության մասին, հիշում են Մարիա Թերեզայի ժամանակների Ավստրիան, որտեղ այն տևում էր 16 տարի, ցարական Ռուսաստանում՝ 25 տարի, Հին Հռոմում՝ 30 տարի: Բայց իրականում ռեկորդը սահմանվել է Չինգիզ խանի օրոք՝ 56 տարի: Այսպիսով՝ ինչի՞ մասին է խոսքը:

(a)  

Հարց ժամանակակից անեկդոտի մոտիվներով: Առաջ մարդը մարդուն հանդիպելիս ի նշան հարգանքի հանում էր գլխարկը: Սև արկղում գտնվում է այն, ինչը նույն նպատակով նա հանում է այսօր: Ի դեպ՝ նա կարող է դա անել մաս-մաս`ընդգծելով դիմացինի նկատմամբ հարգանքի չափը: Այսպիսով`ի՞նչ է Սև արկղում:

(a)