Кардиологиялық бөлімде бір пациент палатасында қатты айқайлап, есінен танып құлап қалды. Қарап тексерген кезде: бет әлпеті көгерген, дем алу байқалмайды, ұйқы артериясында пульс анықталмайды, көз қарашығын тексеріп қараған кезде жарыққа әсер етпейді. Диагноз қойыңыз?

Колледж медициналық пунктіне студент оң жақ мықын тұсы ауруына, жүрегі айнуына шағымданып келді. Сұрау барысында: 2 сағат бұрын бірінші эпигастрий тұсы ауырып бастаған, бір рет құсқан. Қарап тексергенде: жағдайы орташа ауырлық дәрежесынде, тері жамылғысы қалыпты түсте, тілі құрғақ. Пульс минутына 105 рет, АҚ 110\70 мм с.б. , температурасы 38,0С. Пальпация жасап көргенде оң жақ мықын аймағы ауру сезімді, Щеткин Блюмберг сипмтомы теріс. Жедел түрде диагноз қойыңыз?

Ер адам бір сағат салқын аязда қалып қойған. Жылы жерге кіргізіп, жылытқаннан кейін қолдарының қатты ауыратынына, ісінетініне шағымданды. Поликлиникаға тексерілген кезде оң қолының ауыратынын, саусақтарын қозғалта алмайтынын айтты. 4-5 қол саусақтарының тері жамылғысы көгерген, күлбіреп, астына сұйықтық жиналып ісінген. Саусақтарының сезімталдылығы сақталған. Пульс минутына 80 рет, АҚ 120\80 мм с.б. Үсіктің нешінші кезені?

Ауруханаға екі аяқтың варикозды венеаларының ұлғайуы диагнозымен пациент түсті. Жеткізген бойда вена түйіні жарылып, қан кетті. Пациенттің бет әлпеті, тері жамылғысы түсі бозарған, әлсіздікке, бас айналуға шағымданады. . Сол жақ балтырдың ортаңғы уштен бір бөлігінен қою қызыл түсті, жай жылдамдықта қан кетіп жатыр. Пульс минутына 98 рет. АҚ 105\60 мм с.б. Минутына 23 рет дем алады. Пациенттің жағдайын анықтаңыз?

Техникалық қауіпсіздік ережесін бұзған жұмыскер иық сүйектен жарақан алды. Оқиға болған жерге мейірбикені шақырды, қарап тексеру барысында пациент бозғылт, суық тер басқан. Бас ауруына, бас айналуына шағымданады. Иық сүйегінің алдыңғы бетінің төменгі үштен бір бөлігінде көлденең терең жара анықталды, жарадан фантанша ал қызыл түсті қан атқылап ағып жатыр. Қол саусақтарының сезімталдығы мен қозғалысы сақталған. Пульс минутына 100 рет, толымдылығы әлсіз. АҚ 90\50 мм с.б. Минутына тыныс алу жиілігі 20 рет. Қан кетудің қандай түрі.

Оң жақ табанында жарақаты бар пациент ауруханаға түсті. Анамнезінен: 3 күн бұрын аяғымен шегені басып жарақат алған, үй жағдайында йодпен өңдеп, байлаған. Бірақ жағдайы нашарлап, жараның айналасы ісіп, қызарып, ауру сезімі пайда болған. Жалпы жағдайы ауыр, тахикардия, дене температурасы 40,0С, ентікпе мазалайды, аузы еркін ашылмайды, жұтынуы қиындаған, бет бұлшық етінің дірілі байқалады.Жағдайын аңықтаңыз.

Науқасқа гемотрансфузия алдында емдеуші дәрігер үйлесімділікке биологиялық сынама жүргізе бастады. Тоңазытқыштан алынған қан бөлме температурасында 30-40 минут бойы сақталды. Алдын ала зерттеулер бойынша ол АВО-жүйе мен резус-фактор бойынша сәйкес келді. Көктамыр ішіне 15 мл-ден 3 минут интервалмен 45 мл донорлық қан енгізілді. Соңғы бөлікті енгізген кезде науқаста жүрек айну, қалтырау, төменгі арқадағы ауырсыну, іштің артында, бас айналу, пульс және тыныс алу жиілеп, қан қысымы төмендеді. Кандай реакция болды?

Дене тәрбиесі сабағында футбол ойнап жүрген 10 жасар бала құлап оң тізесін соғып алды. Ауыратынына, ісіп кеткенінен шағымданады. Оны қарағанда: оң тізесінің алдыңғы жағы іскен, қызарған, сызат жара іздері бар. Тізе буынының жұмысы өзгермеген, қимылдағанда сәл ауырады.Жараның қандай түрі.

22 жастағы пациент әйел 5-6 күннен бері сол жақ емшек безі солқылдап ауыратынына, дене қызуы 38ºС, жалпы әлсіздік сезінетініне шағымданды. 2 айлық баласын емізеді. Оны қарағанда: сол жақ омырау безінің жоғары сыртқы қабатында диаметрі 6-7 см инфильтрат басып қарағанда анықталады. Ортасы былқылдап, қол тигізбей ауырады. Сол жақ қолтық лимфа бездері де ісінгені, аздап ауыратыны басып қарағанда білінеді. Мейіргерлік диагноз?