Асты тас,

Үсті тас,

Ортасында жанды бас.

Секіреді –

Бала емес.

Сақалы бар –

Шал емес.

Басында көп-ақ бұтағы,

Адамды көрсе зытады.

Ай астында ақ мамық

Жатыр суды жастанып

Қанаты бар ұшпайды,

Жұрт айламен, ұстайды.

Белестен шапқан бесті ат,

Бүкір келген желісті ат.

Бейғам елде іздейді,

Малдан күдер үзбейді.

Қонақтап күнде қонар су бетіне,

Сүйсінер барлық адам келбетіне.

Тұлғасы су ішінде көрінеді,

Таңырқап қарап тұрсам суретіне.

Ақ түсті,

Көк түсті,

От түсті,

Тот түсті-

Төрт түсті жер үсті.

Табаны суды сүйедi,

Қабағы күнге күйедi.