ليت حلمي كان مثلك يا سراب

‏ما حصدت الا المواجع والتعب

‏وليت قلبي ماخذ العبره وتـاب

‏لو بعاتب ما على الدنيا عتب

ليت الغرابيل جتني من عدوٍ لي

‏اما تقاضيت ولا بيتقاضى لي

‏لكن من واحد ذكره غناة لي

‏لازلت احبه و بحبه ولا ابالي

كم خذا مني الزمان وكم عطاني

‏وكم قصر يمناي عن شيٍ أريده

‏ما سالته لو بعد جار و خذانـي

‏إلا عن عمرٍ غدا وشلـون أعيده

في ليلةٍ حزنها يملى دقايقها

‏غصبت نفسي على دربه ومريته

‏قلت أتحرآه لين أشرح له ظروفي

‏ولو أدري إن ذا كلامه ماتحريته

بيني وبينه وصل واسرار وعهود

‏مصيونة ماتدري الناس عنها

‏

في كل عام يزود حبه بعد زود

‏اقفى بروحي والتوا في رسنها

حسنك الثابت يخلينا نميييييل

‏و حِسن غيرك ينحسب دقة قديمة

‏تلبسين العادي و يصبح جميل

‏و كل لون يصير له معنى و قيمة

ما عاد به وقت لإحساسي ولأحبابي

‏جايع وزاد الغلا ما عاد يشبعني

‏الله يسامح زماني ويش سوّا بي

‏جابك لي بوقتي الضايع وضيّعني

لاتدور من ورى العالم شعور

‏اشعر بنفسك ونفسك تشعرك

‏وأي واحد قال لك هذا غرور

‏قول له بكره تجي .. واذكّرك

تبسمي لو يمتلي صدرك طعون

‏حنّي على دمعك و داري غصّتك

‏ماهي نهاية قصتك لو يرحلون

‏هذي نهاية دورهـم في قصّتك

يادمع الآحزان لاتنزل ولا ترقا

‏ياخوف قلبي من الايآم ياخوفه

‏من كثر مانيب متعود على الفرقا

‏صرت اتوادع مع اية واحد اشوفه

عضة شفايفها من الهم والضيق

‏جعله تضيق صدور من ضايقوها

‏ياللي جرحتوا ملح كل المخاليق

‏إما عطوها الحب ولا .. إتركوها

نستعجل الأيام وأعمارنا ايّام

‏والشّيب يطغى والأماني فتيّه

‏نهاري أقفى واجمل الحلم قدّام

‏والحـال يضعف والهقاوي غنيّه

حبيبتي فكره عظيمه جديده

‏هي منبع أفكاري ومنجم خفاياه

‏جتني تقول شلون تكتب قصيده

‏قلت إضحكي من بعدها قالت الله

اخاف أنها تكون اكثر شعور ارباك

‏ما أخاف انها تضيع أخاف ادورها

‏و أخاف من الصور اللي انا وياك

‏وهي اكثر صور تقتل مصورها