Айтысқан ауыл болмас,

Болыспаған бауыр болмас.

Алыс деп ауылыңа бармаймысың.

Ағайын тату болса – ат көп,

Абысын тату болса – ас көп.

Ауыл аймағымен, бота тайлағымен.

Әуелгі байлық — ден саулық,

Екінші байлық — он саулық,

Үшінші байлық — ақ жаулық.

Екі құзғын таласса,

Бір қарғаға жем болар.

Жарлының байлығы —

Дәнінің саулығы.

Ауру — астан,

Дау —қарындастан.

Жалғыздың үні шықпас,

Жаяудың шаңы шықпас.

Жалғыз жаңқа жанбайды,

Жалғыздың ісі оңбайды.

Саусақ бірікпей —

Ине ілікпейді.

Жаяудың жүрісі өнбейді,

Жалғыздың бір ісі өнбейді.

Біршілік болмай — тіршілік болмайды.

Әр атаның өз ұлы бар,

Әр бұтаның өз гүлі бар.

Әр гүлдің исі басқа,

Әр жердің жынысы басқа.

Бір гүл толып ашылады,

Бір гүл солып ашылады.

Заман айнасы — замандас.

Замандасы жоққа

Амандасатын адам табылмайды.

Қосылғанның — қолы ұзын,

Қос керуеннің — жолы ұзын.

Хан — қарақшы,

Халық — сарапшы.

Құдалының малы бір,

Анық достың жаны бір.

Құдаңды Құдайдай күт.

Құданы құдай қосады,

Құдай ұрғанды құмар қосады.

Байлық байлық емес, бірлік — байлық.

Әділ істің арты игі.

Әр елдің заңы баска, иттері қарақасқа.

Бірлік еткен озар,

Бірлеспеген тозар.

Әділ айтқан жеңер.