WorksheetsВ2 Оқылым бөлігі
Total questions: 12
Worksheet time: 6mins
Оқылым бөлігі
1-мәтін
Елімізде өзіндік бағытын ұстанған, ұшқыр мақсаты бар «Шәкен жұлдыздары», «Бастау», «Дидар» сынды кинофестивальдер жұмыс жасайды.Кез-келген отандық кинофестивальдің мақсаты кино өнерінің белгілі бір кезеңіндегі табысы мен даму бағытын айқындау, киноматографистердің байланысын нығайту, өзара тәжірибе алмасу, қазақ киносының өркендеуіне дамуына үлес қосу.
Осындай мүмкіндік туғызып отырған фестивальдердің бірі халықаралық «Еуразия» кинофестивалі. Фестивальдің негізі 1998 жылы қаланған.2005 жылға дейін үзіліс жасаған бұл байқау соңғы алты жылда тұрақты өткізіліп келеді.1998 жылдың өзінде байқауға 200 ден астам журналис келіп, әлемнің отыз бес елінен жүз жетпіс бестен астам туынды қатысқан болатын. Биылғы шараға жүз отызға тарта қонақ келіп, жиырмаға жуық мемлекеттің өкілдері атсалысты. «Еуразия» кинофестивалінің деңгейі оған қатысқан танымал кәсіби режиссер, продюссерлермен ғана емес, дистрибьютер мен басқа елдерге шығарушылардың Қазақстан жерін жақсы фильмдердің ортасы деп санауымен де бағаланады.
Сарапшылар аталмыш кинофестивальді Орталық Азиядағы ең ірі кино байқауы деп бағалап отыр. «Еуразия» кинофестивалі әлемдік кинофестивальдер каталогына кірген қазақстандық жалғыз кинофестиваль. Биылғы байқауға Еуропа, Азия, ТМД, Орталық Азия, Қазақстан мемлекеттерінен қатысқан бір біріне ұқсамайтын кинокартиналар бас жүлде үшін бәсекеге түсті.Бас жүлдені отандасымыз Ерлан Нұрмахамедов пен жапондық Сано Синдзюдің «Көктемнің алғашқы жаңбыры» атты туындысы иеленді. Фестивальдің жүлдегерлері қатарына тағы бір қазақ режиссері Нариман Төребаев «Шуақты күндер» атты туындысымен «Ең үздік режиссерлік жұмысы үшін» жүлдесімен марапатталды.Бұл фильм таза бейнелеу арқылы автордың ойын, кейіпкердің сезімін және өмір сүрген уақытын нағыз кино тілі арқылы жеткізген.
Қазақстан Еуропа мен Азияның арасын жалғастырып жатқан үлкен мемлекет. «Еуразия» кинофестивалі бүгінгі күні Орталық Азияда түсірілген фильмдердің Еуропаға шығатын есігі деп ерекшеленген болатын. Өйткені Орталық Азия елдерінде түсірген фильмдер Қазақстандағы фестивальге қатысып, шетелге жолдама алуда.
Биылғы Халықаралық «Еуразия» кинофестивалінен отандық кино өндірісінің қалыптасып келе жатқандығын байқадық.Рүстем Әбдірашевтің «Балалық шағымның аспаны» фильмі заманауи әлемдік эпикобиографиялық фильмдер қатарына енді.Елбасымыздың балалық шағының жарқын көрінісі осы фильмнен ғана көрініс тапқан.
Бейнелеу дәстүрі бойынша Сламбек Тәукелдің «Жерұйық» тарихи фильмі ұсынылды. Қазақ балалар киножелісінің өзгеруін Ерлан Нұрмұхамбетовтың «Аңшы бала» картинасы ұсынды.Бұл расында да өте ұтымды шыққан туындылардың бірі. Басты кейіпкер Қамбар А.Қарсақбаев «Қожасының» заманауи көрінісі.Міне бұл туындылардың барлығы да «Еуразия» кинофестивалінен көрініс тауып, қазақ көрермендерін тағы да бір рет марқайтып тастады.
1. Мәтінге сәйкес ақпаратты таңдаңыз.
А) Алғашқы жылы байқауға жүзден астам журналист келді.
В) Елімізде «Шәкен жұлдыздары», «Бастау» кинофестивальдары бар.
С) Өткен жылы байқауға әлемнің 35 елінен 170 –тен астам кино қатысты.
Д) «Еуразия» кинофестивалі 1998 жылдан бері үзбей жұмыс жасап келеді.
2. Мәтіндегі басты тірек сөздерді табыңыз.
А) байқау, туынды, фильм, жапон
В) байқау, жүлдегер, бәсеке, қатар
С) байқау, балық, жолдама, баға
Д) кинофестиваль, байқау, жүлде, кино
3. Мәтін бойынша толық және нақты ақпаратты табыңыз.
А) «Еуразия» кинофестивалі – әлемдік кино мерекесі.
В) «Еуразия» кинофестиваліне биыл 130-ға тарта қонақ келді.
С) «Еуразия» кинофестивалі – әлемге танымал қазақстандық байқау.
Д) 1998 жылғы байқауға 200 ден астам журналис келіп, 35 елден 170 тен астам туынды қатысты.
4. Мәтін мазмұнына сәйкес жауапты табыңыз.
Қай қазақ киносы әлемдік эпикобиографиялық фильмдер қатарына енді?
А) Сламбек Тәукелдің «Жерұйық» тарихи фильмі
В) Ерлан Нұрмұхамбетовтің «Аңшы бала» фильмі
С) Әмір Қарақұлов «Іске аспайтын махаббат» фильмі
Д) Рүстем Әбдірәшевтің «Балалық шағымның аспаны» фильмі
5. Мәтіндегі негізгі ойды анықтаңыз.
А) «Еуразия» кинофестивалінің мақсаты баяндалады.
В) «Еуразия» кинофестивалінің жүлдегерлері туралы айтылады.
С) «Еуразия» кинофестивалінің тарихы туралы ақпарат беріледі.
Д) «Еуразия» кинофестиваліне қатысқан фильмдер туралы мәлімет беріледі.
6. Мәтінге нақтырақ тақырып таңдаңыз.
А) Ең танымал кинорежиссер
В) «Еуразия» кинофестивалінің беделі
С) Отандық кино өнерінің жетістіктері
Д) «Еуразия» кинофестивалінің мақсаты
7. Мәтін мазмұнын анықтайтын қорытындыны таңдаңыз.
А) Қазақстанда кино өндірісі дамыған.
В) Қазақстан кинофильмдерінің жетістіктері.
С) «Еуразия» кинофестивалі – Еуропаға шығатын есік.
Д( Қазақстан – Еуропа мен Азияны жалғастырып тұрған мемлекет.
8. Мәтіндегі маңызды емес ақпаратты таңдаңыз.
А) «Шуақты күндер» автордың ойын нағыз кино тілі арқылы жеткізген.
В) Бір-біріне ұқсамайтын кинокартиналар бас жүлде үшін бәсекеге түсті.
С) «Еуразия» - әлемдік кинофестивальдер каталогына енген кинофестиваль.
Д) «Шуақты күндер» фильмі «Ең үздік режиссерлік жұмысы үшін» жүлдесімен марапатталды.
9. Ақпаратты жағымды бағалайтын нұсқаны таңдаңыз.
А) «Аңшы бала» картнасы – ұтымды шыққан туындылардың бірі.
В) Байқауға Сламбек Тәукелдің «Жерұйық» тарихи фильмі қатысты.
С) «Еуразия» кинофестивалі қазақ көрермендерін қуанышқа бөледі.
Д) Фильмде Елбасымыздың балалық шағының жарқын көрінісі бейнеленді.
10. Мәтіннің бірінші азатжолына дәлірек тақырыпша таңдаңыз.
А) Кейіпкерлер әлемі
В) Еуропаға ашылған есік
С) Отандық кинофестивальдердің мақсаты
Д) «Көктемнің алғашқы жаңбыры» кинофильмі
11.Мәтіннің екінші азатжолына дәлірек тақырыпша таңдаңыз.
А) Отандық кино өндірісі
В) «Еуразия» кинофестивалі
С) Қазақ киносының болашағы
Д) «Жерұйық» тарихи фильмі туралы
12. Мәтіннің үшінші азатжолына дәлірек тақырыпша таңдаңыз.
А) Қазақ киносының ертеңі
В) Елбасының балалық шағы
С) Сан түрлі тағдырлардың тоғысуы
Д) Орталық Азиядағы танымал кино байқауы
