மனம் விரும்பும் கதையாம்

மகிழ்வு தரும் கதையாம்

கனவு காணும் இளைஞனின்

கருத்து நிறைந்த கதையாம்.

3.தமிழ் இசைக் கருவியாம்

தகிட திமி தாளமாம்

அமிர்தம் போன்ற இசையினை

அள்ளித் தரும் மேளமாம்.

4.வாய் மொழியாய் கதைகளை

வாஞ்சையுடன் சொல்லிடும்

வல்லமை தான் கொண்டவர்

வகையறிந்த வித்தகர்.

5.பழங்குடி மக்களின் பண்பாட்டை

பறைசாற்று மொரு நடனம்

செத்தோங் மூங்கில் இசையுடன்

சிறப்பாய் ஆடிடும் நடனம்.

6.சுரங்கள் ஏழு மீட்டிட

சுந்தர கானம் பிறக்குமாம்

மரத்தில் கட்டிய நரம்புகளும்

மங்கலத் தமிழிசை தந்திடுமாம்.

7.உழவர் உள்ளக் களிப்பை

உணரச் செய்யும் நடனம்

உலகப் பாரம்பரிய எனும்

உன்னத நிலைபெற்ற நடனம்.

8.அரசர் விரும்பும் இசையாம்

அதிகாரப் பூர்வ இசையாம்

அரண்மனை நிகழ்வுகளில்

அரங்கேறும் இசைக் கருவியாம்.

9.வெள்ளைக் கறுப்புக் காய்களை

வியூகம் அமைத்து நகர்த்தியே

பலகை மீது விளையாடும்

பாரம்பரிய மிகு விளையாட்டு.

10.மரத்தில் செய்யும் கருவியாம்

மயக்கும் தோல் இசைக்கருவியாம்

சீனர் இராணுவம் பயன்படுத்திய

சிறப்புமிகு தாளக் கருவியாம்.