Sina Anna ay nakatira sa Lalawigan ng Cavite. Madalas silang mamasyal sa isa sa mga lungsod dito, ang Tagaytay. Anong bulkan ang makikita mula sa Lungsod ng Tagaytay na tinturing ding pinakamaliit na bulkan sa buong mundo?

Ang pamilya nina Rian ay nakatira sa lalawigan ng Aklan. Mayroon silang souvenir shop sa Boracay kaya't sa mga araw na walang pasok ay tumutulong sa pagtitinda si Rian. Sa anong anyong-lupa nakatira si Rian?

Dumalaw sina Joan sa Cordiller Administrative Region. Isang talampas na sikat dahil sa malamig na klima, strawberries, at libangang pagsakay sa kabayo ang dinayo nila sa rehiyon. Saan sila nagpunta?

Noong Oktubre 15, 2013 ay nakaranas ng magnitude 7.2 na lindol ang bohol. Nagdulot ito ng malaking pinsala sa lalawigan ngunit madali itong nakabawi dahil sa taglay na ganda ng lugar lalo na ang kilalang anyong-lupang kulay berde sa tag-ulan na nagiging kulay tsokolate kapag tag-araw. Anong anyong-lupa ito?