Օգնիր տղաներին՝ որոշելու իրենց զանգվածները։

Արամը, Հայկը, Կարենը, Գագիկն ու Սուրենը կշռվեցին և գրանցեցին հետևյալ արդյունքները՝ 36կգ 300գ, 38կգ, 41կգ 600գ, 36կգ 600գ, 41կգ 800գ։ Սակայն նրանք շփոթել էին արդյունքները, բայց հիշում էին, որ Արամը ծանր էր Կարենից և Սուրենից։ Հայկը ծանր էր Սուրենից և Գագիկից , սակայն թեթև էր Կարենից։ Գագիկը թեթև էր և՛ Սուրենից, և՛ Կարենից։

Եթե Տիգրանը գնի 5 պաղպաղակ, նրա մոտ կմնա 600դրամ, իսկ եթե գնի 8 պաղպաղակ, կմնա 240 դրամ։ Որքա՞ն դրամ ունի Տիգրանը։

240լ մասուրի հյութը պետք է լցնել 2 լիտր կամ 5 լիտր տարողությամբ շշերի մեջ։ 2 լիտրանոց դատարկ շիշն արժե 100դրամ, իսկ 5 լիտրանոցը՝ 300 դրամ։ Այս ծախսերի տեսանկյունից, ո՞ր շշերի օգտագործումն է քիչ ծախսատար։

3 վարպետներ 1 օրում պատրաստեցին 300 մանրակ։ Առաջինը պատրաստեց 8 մանրակով ավելի, քան երկրորդը։ Երրորդի պատրաստածը երկրորդից ավելի էր 4 մանրակով։ Այդ աշխատանքի համար վարպետները ստացան 18․000 դրամ։ Նրանք այդ գումարը ինչպե՞ս բաժանեցին միմյանց միջև։

Գյուղացին իր 88 ոչխարները բաժանեց 4 որդիներին՝ յուրաքանչյուրին տալով այնքան ոչխար, որքան որդիների տարիքն է։ Սակայն եղբայրները որոշեցին հավասարեցնել ոչխարների քանակը։ Այդ նպատակով նրանցից երկուսը մյուս երկուսին տվեցին մեկը՝ 4, իսկ մյուսը 1 ոչխար։ Քանի՞ տարեկան էր եղբայրներից յուրաքանչյուրը։

Եթե տատիկն իր մոտ եղած կոնֆետների կեսը և էլի մեկ կոնֆետ տա Մերիին, այնուհետև մնացածի կեսը տա Արային, ապա տատիկի մոտ կմնա 5 կոնֆետ։ Քանի՞ կոնֆետ ունի տատիկը։

Սոնան գնեց գրիչ, մատիտ ու քանոն և վճարեց 750 դրամ։ Աննան գնեց գրիչ ու քանոն և վճարեց 550 դրամ։ Անին գնեց գրիչ ու մատիտ և վճարեց 500 դրամ։ Ի՞նչ արժե այդ իրերից յուրաքանչյուրը։

30 կգ ծիրանն արժե այնքան, որքան 20 կգ դեղձը։ Պարզի՛ր, թե որքան պետք է վճարի Արան 8 կգ ծիրանի համար, եթե 1 կգ դեղձն արժե 240 դրամ։

Նկարում տրված տվյալներով որոշի՛ր մրգերից յուրաքանչյուրի գինը։