Nadatnan mong nakahiga ang iyong nanay pagkauwi mo mula sa paaralan. Masama ang kaniyang pakiramdam. Ano ang gagawin mo upang maipakita ang pagtulong at pag-aalaga sa iyong nanay na may sakit?

May benda ang sugatang binti ng iyong kamag-aral na katabi mo sa upuan dahil sa aksidente. Nakasaklay pa siya pagpasok sa inyong silid-aralan. Paano mo maipakikita ang pagmamalasakit sa kaniya?

Ang pagpapakita ng pagmamalasakit sa mga may karamdaman ay hindi lamang sa mga nakatatanda kundi pati rin sa mga kabataang katulad mo.

Walang kakayahan ang mga batang katulad mo na mag-alaga ng mga may karamdaman.

Para higit mong matulungan ang nanay mo na may karamdaman, umiiwas ka na maging pasaway, bagkus ay tumutulong ka sa gawaing bahay.

Anong kaugaliang Pilipino ang nagpapakita ng pagtulong at pag-aalaga sa mga taong may sakit?

May ubo at sipon ang iyong kamag-aral. Wala siyang dalang pamunas ng kaniyang ilong kaya pinagtatawanan siya ng inyong mga kaklase sa tuwing tumutulo ang kaniyang sipon sa ilong. Ano ang iyong gagawin?

Paano mo maipakikita ang iyong pagmamahal at pagmamalasakit sa iyong kapwang may sakit?

Sa simple mong paraan, ano ang maaari mong magawa para sa kaibigang may sakit?

Nabalitaan mong may malubhang sakit ang iyong pinsan. Ano ang gagawin mo?

Dinalaw mo sa kanilang bahay ang kaklase mong may sakit. Tungkol saan ang pwede ninyong pag-usapan upang siya ay sumigla?

Ang dalawin at aliwin ang taong may sakit ay isang kaugalian na nagpapakita ng ____________________.

Nakatutulong ba ang paglalaan ng oras sa pagdarasal para sa mga taong may karamdaman upang mapabilis ang kanilang paggaling? Bakit?

Nagmamadali kang umuwi ng bahay pagkatapos ng klase dahil may sakit ang iyong nanay at ikaw ang tutulong sa iyong tatay na maghanda ng hapunan. Nadaanan mong naglalaro sa plasa ang iyong mga kaibigan. Gustong-gusto mong sumali. Ano ang iyong gagawin?