WorksheetsEsP 8 (Banaba) - Pagtataya ng Pagkatuto sa Ikalawang Markahan
Total questions: 20
Worksheet time: 20mins
Bakit itinuturing na unang kapuwa ang magulang?
nagsisilbing gabay sa ating buhay
may malaking impluwensiya sa lipunan
naghubog sa pagbasa, pag-uugali at pagpapahalaga
unang tao na nakasasalamuha mula pagkaluwal sa atin bilang tao
Alin sa mga sumusunod na pahayag ang nagpapakita ng tamang pamamaraan ng pakikipagkapuwa?
si Toni na nagpahiram ng pera kay Alex na may kasamang interes
si Bryan na masugid na manliligaw ni Lisa noong una pa lamang silang magkakilala
si Joey na nag-alok ng tulong sa kaniyang kasamahan na napilayan
si Rosa na laging masama ang tingin kay Lennie habang naglalakad sa pasilyo ng paaralan
Alin sa mga sumusunod ang tumutukoy sa pagtugon sa pangangailangan na makipag–ugnayan sa iba, pakiramdam na kailangan ng tao ng makakasama, at mapabilang sa isang pangkat?
pakikibagay
pakikilahok
pakikipagkapuwa
pakikialam
Sino ang pangalawang magulang na umaalalay sa paghubog nang buong pagkatao ng isang indibidwal?
kaibigan
guro
magulang
kapitbahay
Ikaw ay bagong lipat lamang sa Cagdianao National High School gayunman madali kang nakilala ng iyong mga kaklase dahil palagi kang sumasagot sa oral recitation. Kinaibigan ka ng iyong kaklaseng si Heart na isang sikat na mananayaw sa inyong paaralan. Ang buong akala mo ay tapat ang kanyang pakikitungo sa iyo pero nilapitan ka lang pala niya upang tulungan siya sa kanyang mga hindi pa natatapos na proyekto. Ipagpapatuloy mo pa ba ang pakikipagkaibigan sa kanya?
hindi, dahil marami akong sariling proyekto na dapat tapusin
oo, dahil pareho kaming may kailangan sa isa’t isa
hindi, dahil mapagsamantalang tao si Heart at hindi ito mabuting pag-uugali ng isang tao
oo, dahil naniniwala akong bawat isa ay may pag-asang magbago at ganoon din si Heart
Alin sa mga sumusunod ang impluwensiya ng pagmamalasakit sa atin ng kapuwa?
nahikayat gumawa ng kabutihan sa iba
kusang tumulong at naghihintay ng kapalit
may benepisyong makukuha mula sa kaniya
naging malapit sa kapuwa
Sa tahanan tinuturuan ng magulang ang mga anak ng mga magagandang asal at aral sa buhay. Kung kaya pinag-iisipang mabuti ng mga anak ang mga bagay-bagay bago gumawa ng isang desisyon. Anong aspekto ng pagkatao ang napauunlad ng mga anak?
pangkabuhayan
panlipunan
politikal
intelektuwal
Alin sa mga sumusunod na situwasyon ang nagpapakita ng impluwensiya ng kapuwa sa aspektong intelektwal ng isang indibiduwal?
isang doktor na libreng nanggagamot ng may sakit
isang mangingisda na namimigay ng mga nahuling isda sa kaniyang mga kapitbahay
isang guro na libreng nagtuturo dahil ninanais matuto ang mga batang-lansangan na hindi nakapag–aral
isang manggagawa na sumulat ng resolusyon ukol sa paghingi ng kaukulang budget para sa mga magsasaka
Pursigido si Janine na makagawa ng mabisang pamamaraan upang makapagbigay ng magandang serbisyo sa kaniyang mga kliyente. Naniniwala siyang magagawa niya ito kagaya ng kaniyang ama na nagsusumikap sa paghahanap ng mapagkakitaan upang matugunan ang kanilang pangangailangan noong sila ay bata pa. Anong katangian ni Janine ang nabago dahil sa ugaling ipinakita ng kaniyang ama?
matulungin
maawain
malikhain
mapagbigay
Kailan masasabing nagkakaroon ng impluwensya ang kapuwa sa aspekto ng pagkatao ng isang indibiduwal?
nakatutugon sa pangangailangan ng isang tao
nakapagbibigay ng inspirasyon sa iba
kung may pagbabagong nagaganap sa kaniyang mga kilos o ugali
nakakukuha ng mga ideya na magagamit sa pansariling kapakanan
Alin sa pahayag ang nagpapakita ng likas na katangian ng tao na pinagkaiba niya sa ibang nilalang?
ang pagiging tapat sa tungkulin
ang pagkakaroon ng kakayahang mag-isip
ang pagkakaroon ng kakayahang tugunan ang pansariling pangangailangan
ang pagkakaroon ng kakayahang mamuhay sa lipunan at maging bahagi nito
Anong katangian ng mga Pilipino ang nagpakita na ang pagmamahal ay indikasyon sa pakikipagkapuwa?
tinatanaw na utang na loob ang mga tinanggap na tulong mula sa kapwa
hindi pagiging sensitibo sa uri ng pakikipag-ugnayan
pagpapakita ng malasakit sa nangangailangan
may kakayahang mag-impluwensiya sa kabutihan man o kasamaan
Alin sa sumusunod na pahayag ang nagpapakita ng mabuting pakikipag- ugnayan sa kapuwa?
“Bakit ba nahuli ka na naman?
“Tatlumpung minuto na akong naghihintay sa iyo.”
“Sana sa susunod hindi ka na huli sa usapan natin.”
“Pilit kong inuunawa kung bakit ka nahuli, pero sana umalis ka ng bahay nang mas maaga.”
Ano ang nakahahadlang sa makabuluhang pakikipag-ugnayan sa kapuwa?
kakayahang tugunan ang pangangailangan ng kapuwa
pagkilala sa sarili na mas matalino siya kaysa ibang tao
kakayahan ng taong makibahagi sa mga gawaing panlipunan
pagkikitungo sa iba sa paraang gusto mo ring pakitunguhan ka
Ano ang ibig sabihin ng pahayag sa Romano 14:7 na “Sapagkat ang sinoman sa atin ay hindi nabubuhay sa kaniyang sarili, at sinoman ay hindi namamatay sa kaniyang sarili”?
Ang tao ay nabubuhay para sa pansariling kapakanan
Ang tao ay hindi maaaring mabuhay nang mag-isa at hindi nakikibahagi sa lipunan.
Ang tao ay may makakasama ngunit hindi ibig sabihing tutulong ito sa anumang bagay.
Ang tao ay maaaring mabuhay nang mag-isa sa mundo hangga’t may sapat itong kaalaman.
Ano ang maidudulot ng isang tunay na kaibigan sa buhay ng kaniyang kaibigan?
pagkabigo sa buhay
pangmatagalang pagkakaibigan
walang hanggang epekto sa buhay
pansariling kasiyahan
Bakit mahalagang isaalang-alang ang kabutihan ng isang tao sa pagiging kaibigan?
dahil ito ang naayon sa pakikipagkaibigan
upang maging malalim ang samahan
dahil ito ay kwalipikasiyon sa isang kaibigan
upang maging makabuluhan ang pagkakaibigan
Alin sa sumusunod na paglalarawan ang maihahalintulad sa isang kaibigan?
isang sakit
isang yaman
isang kapangyarihan
isang kamangmangan
Alin sa mga sumusunod ang nakakatulong sa pagpapatatag ng pagkakaibigan?
pera’t kayamanan
pagmamahal at respeto
kagandahan at kasikatan
kasiyahan at pangangailangan
Pinapahalagahan ni Rina at Kim ang kanilang pagkakaibigan kung kaya iniiwasan nila ang makapagbitaw ng masasakit na salita kahit na minsan ay may hindi sila pagkakaintindihan sapagkat iginagalang nila ang bawat isa. Anong katangian ng magkakaibigan ang pinapakita ng dalawa?
paggalang sa isa’t isa
pagsabi ng totoo sa isa’t isa
pagsawalang bahala sa nararamdaman
pagpapatibay at pagpapahalaga sa samahan nila
