Әсемнің сағаты әрбір бір сағатта 4 секундқа қалып қалады. Әсемнің сағаты бір тәулікте қанша уақытқа қалып қалатынын анықтаңыз.

Такси қызметінің алғашқы 1км 1,75 доллар, одан кейінгі әрбір км-ге 25 цент. Осы қызметті қолдана отырып, 7 долларға қандай арақашықтықты жүріп өтуге болады.

3 саны мен 2 санының ең болмағанда біреуіне бөлінетін 100 санынан кіші болатын неше натурал сан бар?

Саяхатшы 105км жолды  күніне бірдей жол жүре отырып, бірнеше күнде жүріп өтті. Егер осы саяхатына тағы да 2 күн қосып алса, ол күніне 6км аз жүрген болар еді. Саяхат неше күнге созылды.

Бір жылқы мен екі сиырға күн сайын 34кг шөп беріледі, ал екі жылқы мен бір сиырға 35кг шөп беріледі. Күн сайын бір жылқыға қанша кг және сиырға қанша кг шөп беріледі?

Қандай да бір заңдылыққа сәйкес құрылған. 11, 32, 95, ? 

Көгілдір түс алу үшін ақ түсті бояу (12 бөлік) мен көк түсті бояуды (3 бөлік) араластыру қажет. Егер қолымызда 4 грамм ақ және 4 грамм көк түсті бояу болса, онда неше грамм көгілдір түсті бояу алуға болады?

Кітап беттері 562 цифрмен нөмірленген. Егер кітап беттері оның үшінші бетінен бастап нөмірленсе, кітапта барлығы неше бет болғаны?

Қайық 12км/сағ жылдамдықпен бір айлақтан екінші айлаққа қарай шықты. Жарты сағаттан кейін сол бағытта 20км\сағ жылдамдықпен пороход шықты. Егер пороход қайықтан 1,5сағ бұрын келсе,  онда айлақтар арасы қанша?

Би алаңының жалпы ауданы 1200кв метр. 1:2:3 қатынаста үш бөлікке бөлінген. Кіші бөліктің ауданын табыңыз.

Трапецияның табандары 12 және 20, ал биіктігі 10-ға тең. Трапецияның ауданын табыңыз.

Себетте 5 алма,6 апельсин, 8 алмұрт бар. Кездейсоқ таңдалған бір жемістің алма болып шығуының ықтималдығы қандай екенін анықтаңыз.

Есептеңіз: $$\sqrt[]{\frac{7!-6!}{5!}}$$  

Егер $$5^{2019^{ }}=3a$$  болса, $$5^{2020}=?$$    өрнегінің мәні неге тең екенін табыңыз

Мұғалім оқушыға 20 санына дейінгі жай сандардың қосындысын табуды тапсырды. Қосындының мәнін табыңыз. 

Қандай да бір санға 10 $$\cdot$$    11 $$\cdot$$    12 көбейтіндісін қосқанда 2000 шықты. Осы санды табыңыз.

Қорапта 250 бірдей бұйым салынған. Алынған кезде кез -келген бұйымның жарамсыз болу ықтималдығы 0,04-ке тең. Қорапта неше жарамсыз бұйым бар екенін анықтаңыз.

Төмендегі цифрлардан цифрлары қайталанбайтын қанша үш таңбалы сан құрастыруға болатынын анықтаңыз: 0,1,3,4,5

Сымнан қабырғасы 16 см теңқабырғалы үшбұрыш құрастырылды. Егер осы сымды жазып, одан квадрат жасаса, онда оның ауданын табыңыз.

Қасқыр қойды 6 сағатта жейді, ал одан жолбарыс екі есе, арыстан үш есе тез жейді. Үшеуі бірге қойды қанша сағатта жейтінін анықтаңыз

Бір қатарда бір бірінен 5 м қашықтықта 16 ағаш отырғызылған. Шеткі ағаштың жанында құдық орналасқан. Әр ағашты суару үшін бір шелек су қажет. Бір ғана шелекпен барлық ағашты суаруға кететін жолды табыңыз.

1, 3, 7, 15, .... тізбектің жетінші мүшесін табыңыз

$$2017^{2016}$$  саны қандай цифрмен аяқталатынын анықтаңыз

Төрт таяқтың 8 ұшы бар. Бес жарым таяқтың неше ұшы бар екенін анықтаңыз.