WorksheetsPisa оқу сауаттылығы №4
Total questions: 4
Worksheet time: 7mins
Макондо
Макондода таңқаларлық жаңалықтардың жаппай орын алғаны соншалық желгілікті халық қайда қарарын және неге таңданарын білмей қалды. Адамдар түнімен Аурелиано Хмурый пойызбен жасаған екінші сапарынан әкелген машиналардан түскен әлсіз электр жарықтарына телміреді. Басында бұл машиналар өзінің адам төзгісіз және толассыз «тум-тум-тум» деген даусымен баршаның есін шығарған еді. Бәрі шаруасы жүріп тұрған саудагер дон Бруно Креспидің театрына қарай ағылды, кассадағы билеттердің бәрі жаппай сатылып кетті. Көпшілік ілінген ақжайманың бойымен жүгіріп жүрген кейіпкерлерге қарағысы келді, бәрін қызықтырған жайт алдыңғы кино көріністерінің бірінде қайтыс болған кейіпкердің кейіннен тірі және аман болып шыққаны және ең таңқаларлығы – кейіннен оның араб екенінің анықталғаны еді.
Кейіпкерлердің қайғысы мен қуанышын бөлісу үшін екі сентаво төлеген көрермен бұл алаяқтыққа төзе алмай, кино залын ойран қылған еді. Дон Бруно Креспидің талап етуімен алькальд халықпен сөйлесуге шығып, киноның өмір емес екенін, оның ойдан шығарылатынын және ол үшін соншалықты күйзелудің қажеті жоқ деп түсіндірді. Бұндай әңгімеден соң өздерін сығандардың жаңа зор айласының құрбаны болдық деп, ендігі жерде кинотеатрға бармаймыз, ойдан шығарылған біреулердің мәселелерінен де маңызды қайғымыз бен қиыншылықтарымыз онсыз да жетерлік деп шешті.
1-сұрақ. Фильмдердің қандай ерекшелігі Макондо тұрғындарының ызасын тудырды?
· Олар қайтыс болды деп санаған адамдар өмірге «қайта келеді».
· Олар фильмдер шынайы деп ойлады, бірақ олай болмай шықты.
· Фильмдегі адам өлген кейіп танытып, оларды ақымақ санап отыр деп ойлады.
· Олар фильмдердің ойдан шығарылатынын түсінбейді.
Олар алаяқтықтың құрбаны болдық деп ойлады
2-сұрақ. Неліктен мәтін соңында Макондо халқы енді кинотеатрларға бармаймыз деп шешті?
A. Олар көңіл көтеріп, ойымыз бөлінеді деп күткен еді, бірақ көпшілік фильмдердің тым шынайы және депрессивті екенін байқады.
B. Олардың билет сатып алуға шамалары жетпеді.
C. Олар өз эмоцияларын шынайы жағдайлар үшін сақтағысы келді.
D. Олар эмоционалдық тұрғыда ойларын бөліп, көңіл көтергісі келді, бірақ фильмдер зеріктіретін, көңілге қонымсыз және төмен сапада болды.
3-сұрақ. Үзіндінің соңғы жолында сипатталған «ойдан шығарылған тұлғалар» деген кім?
A. елес
B. көрме алаңындағы әзірлемелер
C. фильм кейіпкерлері
D. актерлер
4-сұрақ. Макондо тұрғындарының кино маңыздылығы туралы қорытынды пікірімен келісесіз бе? Өзіңіздің киноға қатысты пікіріңізді олардың пікірімен салыстыра отырып жауабыңызды түсіндіріңіз.
