"ანი ბანი და განი და

მართლა არ ვიცი რა მინდა,

ალბათ პატარა და მინდა

ღმერთო, დამინდე, ამინ, და

ანი ბანი და განი და."

"ეზოში ყეფდა ბამბურა მურა, 

ეზოში მწვანე ჰყვაოდა ბაო. 

ვაზის ბარდებში სცურავდა სურა, 

შენ ბანცალებდი, ბურულო ცაო."

"ცას ვიყენებ როგორც დამტენს

თანავარსკვლავედები თან დამდევს

anime ღამეებს ვხედავ რამდენს

ლომბარდებში დატოვებულ ზამთრებს"

"მერამდენე ღამეს მერამდენე დღეს

მერამდენე დილას ან და შუადღეს

მერამდენი რამე მერამდენედ ეს

ან რამდენად მინდა ეს რომ გათავდეს"

"ლერწმებში ნიავს ეძინა უკვე,

ყანჩა ყიყინით ეძახდა ყანჩას,

პატარა გოგომ შეხედა ღრუბლებს,

პატარა ბიჭი ნაწყენი დარჩა."

"აგერ, ღობიდან გიცქერს კამური,

გზები თეთრია, ღამეც თეთრია,

გურიის მთებში მე შემხვედრია

იგი, ლამაზი და საამური."

მთები აჭრელდა როგორც ჟირაფი,

მატარებელი მიჰქრის ბინდებად,

ახლა იწყება წიფის გვირაბი,

თქვენ ხომ არაფრის შეგეშინდებათ?