Ескі будильник әр 24 сағат сайын 8 минутқа ешігеді. Таңертең сағат 7:00-де тұру үшін, бұл будильникті бүгін кешкі 22:00-де неше минутқа алға жылжытып қою керек?

Егер сағат тілі әр күн сайын 3 минутқа қалып отырса, қанша күннен кейін сағат дұрыс уақытты көрсетеді?

Қандай да бір айда үш жексенбі жұп сандарға сәйкес келді. Осы айдың 20-сы аптаның қандай күні болады?

 Үш сейсенбі күні бір айдың тақ күндеріне сәйкес келсе, сол айдың 21-і аптаның қай күні болады?

Сәуір айында 5 сенбі және 5 жексенбі бар екені белгілі болса, 1 сәуір аптаның қай күніне сәйкес келеді?

 Осы жылы Қанаттың туған күні қандай да бір аптаның Сейсенбі күніне келіп тұр. Ал Мараттың туған күні Қанаттың туған күнінен кейін 52-ші күн болса, Мараттың туған күні Аптаның қай күніне сәйкес келетінін анықтаңыз.

Бүгін аптаның сәрсенбі күні болса, онда бүгіннен бастап санағанда 2017 күн аптаның қай күніне сәйкес келеді?

 Қарауыл 3 күн істеп ,төртінші күні демалады . Ол жексенбі демалып , дүйсенбі де жұмысын бастайды . Оның демалысы қанша күнде бір жексенбіге сәйкес келеді ?

Уақыт 17:30-да сағаттық тіл мен минуттық тілдің арасындағы бұрыш қаншаға тең?

 Уақыт 16:30-да сағаттық және минуттық тілдерінің арасындағы бұрыш шамасы неге тең?

 Уақыт 09:20-да сағаттық және минуттық тілдерінің арасындағы бұрыш шамасы неге тең?

 Электронды сағат уақытты 00:00 ден 23:59-ға дейін сағатпен және минутпен көрсетіп тұр. Бір тәулікте таблода 2;0;1;9 цифрларын әр түрлі тәсілмен неше рет көруге болады?

Электрондық сағат 19 сағ 57 мин 31 сек-ті (19:57:31) көрсетіп тұр. Ең кем дегенде неше секундтан кейін осы сағат бетіндегі барлық цифр өзгеретінін анықтаңыз.

Электронды сағат 7:58:25 көрсетіп тұр. Ең кем дегенде неше секундтан кейін сағаттың циферблатындағы барлық цифрлар өзгереді?

 Электронды сағат уақытты сағат және минутпен көрсетеді (00:00 – 23:59 аралығы ). Бір тәулікте бұл сағаттың көрсеткішінен мына 2, 0, 1, 8 цифрлары түгелімен (кез-келген ретте) қатар келетін неше тәулік мезгілін көруге болады?

«Астана-Алматы» жолаушылар пойызы Астанадан 1 наурыз 19:15-те шығып, Алматыға 2 наурыз күні 15:40-та келді. «Астана-Алматы» жолаушылар пойызы Астанадан Алматыға дейін қанша уақыт жолда болғанын анықтаңыз.

«Астана-Павлодар» жолаушылар пойызы Астанадан 30 маусым күні 22 сағ 45 минутта шығып, Павлодарға 1 шілде күнгі 6 сағ 50 минутта келді. «Астана-Павлодар» жолаушылар пойызы Астанадан Павлодарға дейін қанша уақыт жолда болғанын анықтаңыз

 Пойыз Алматыдан 19 мамыр күні 15 сағ 50 минутта шығып, Ақтөбеге 21 мамыр күні 10 сағ 30 минутта келді. Пойыз Алматыдан Ақтөбеге дейін қанша уақыт жүрді?

 Егер тәуліктің қалған бөлігі өткен бөлігінің 60%-ына тең болса, қазір сағат неше болатынын табыңыз.