2017 жылдың 12 желтоқсанында «Цифрлы Қазақстан» мемлекеттік бағдарламасы іске қосылған болатын.  «Цифрлық Қазақстан» мемлекеттік бағдарламасының ең негізгі мақсаты – Қазақстан Республикасы тұрғындарының өмір сапасын жақсарту, сонымен қатар ұлттық экономиканы цифрландыру.

«Цифрлы Қазақстан» мемлекеттік бағдарламасын жасау барысында көптеген өркениетті, дамыған елдердің тәжірибесі қолданылды. Олар - цифрлық технологияны іске асыру жолында толағай жетістіктерге қолжеткен Австрия, Дания, Аустралия, Канада мен Сингапур, АҚШ секілді елдерді мысалға келтіруге болады.  Egov.kz қосымшасы қолданысқа енгізілгелі бері Қазақстан Республикасы тұрғындарының шағымы алпыс алты пайызға бірден қысқарған.

«Цифрлық Қазақстан» мемлекеттік бағдарламасы бес бағытта жүзеге асырылып жатыр:

Бірінші бағыт: «Экономика салаларын цифрландыру».

Екінші бағыт: «Цифрлық мемлекетке көшу».

Үшінші бағыт:  «Цифрлық жібек жолын іске асыру».

Төртінші бағыт: «Адами капиталды дамыту».

Бесінші бағыт: «Инновациялық экожүйені құру».

(Әсем Әлмұханбет)

1 Мәтін не туралы екенін анықтаңыз

А) Білім

В) Қазақстан

С) Болашақ

Д) Цифрландыру

Е)Мемлекет

2. Бағдарламаның негізгі мақсаты?

А) ҚР жемқорлықты болдырмау

В) Жастарды әлеуметтік қолдау

С) ҚР тұрғындарының өмір сапасын жақсарту

Д) Шетелдермен байланыс орнату

Е) Зейнетақыны көбейту

3. Бағдарламаға үлгі етіп қай елдердің тәжірибесі алынды?

А) Куба, Сингапур, Дания, Португалия, Үндістан

В) АҚШ, Армения, Әзірбайжан, Бразилия

С) Канада, Солтүстік Корея, Польша, Норвегия

Д) Ресей, Түркменстан, Австрия, Канада

Е) Австрия, Дания, Аустралия, Канада, Сингапур, АҚШ

4. «Цифрлы Қазақстан» мемлекеттік бағдарламасының үшінші бағыты қандай?

А) «Инновациялық экожүйені құру».

В) «Цифрлық мемлекетке көшу».

С) «Адами капиталды дамыту».

Д) «Цифрлық жібек жолын іске асыру».

Е) «Экономика салаларын цифрландыру».

5. «Цифрлы Қазақстан» мемлекеттік бағдарламасы қашан қабылданды

А)2000 ж.

В)2020 ж.

С) 2017 ж

E) 2002 ж.

Д)  2015 ж.

Ғаламтор - ғылым мен техниканың шынайы жетістігі. Интернетті қолдана алатын кез келген адам қалаған мағлұматты таба алады. Алыста жүрген ата-анаңмен де, туған-туыстарыңмен де емін-еркін хабарласасың. Ғаламдық желі адамның білімін жетілдіруге көмектесетін құрал. Соның арқасында шет тілін үйреніп, түрлі курстар мен тренингтерге қатысуға болады. Одан бөлек, ғаламтор - нағыз табыс көзіне айналып отырған сала.

Ғаламтор арқылы жаһандану процесі жылдам жүруде. «Жаһандану» бүкіл жер жүзінде жайылу, таралу деген мағынаны да, әлемдік елдердің біртұтас адамзаттық мәдениет қалыптастыру екпініне ілесу дегенді де білдіреді.

Қазір интернетке тек компьютер арқылы емес, байланыс спутниктері, радиосигналдар, кабельдік теледидар, телефон, ұялы байланыс арқылы да байланысуға болады.

Ғаламторға деген тәуелділік қазір ғаламдық мәселеге айналып бара жатыр. Соның кесірінен адамдар арасындағы күнделікті байланыс бұзылып барады. Адамдар бір-бірімен сөйлесуден, сырын бөлісуден, жанды, табиғи қатынастан қалып барады.

Ғаламтордың келесі зиянды тұсы - адамның денсаулығы. Компьютер алдында ұзақ отырған адамның денсаулығы да тез нашарлай түседі. Өйткені ол қозғалыстан қалып, оның соңы бел, арқа, көз ауруларына әкелуі мүмкін.

Одан бөлек, қазіргі таңда ғаламторда алаяқтар да өте көбейді. Олардан сақтанудың да қамын жасаған абзал.

 (Қ. Слямбеков)

1. Мәтінге тақырып қой

А) Жаһандану

В) Ғаламтордың пайдасы мен зияны

С) Ғаламтор тарихы

Д) Алаяқтар

Е) Денсаулық

2. Мәтіннің тірек сөздері:

А) шет тілі

В) адамдар

С) ғылым

Д) ғаламтор, жаһандау, компьютер, желі

Е) табыс көзі

3. Қазір ғаламторға қалай қосылуға болды?

А) тек телефон

В) тек компьютер

С) спутник, радиосигнал

Д) радиосигнал, компьютер

Е) компьютер, спутниктер, радиосигналдар, кабельдік теледидар, телефон, ұялы байланыс

4. Сөйлемді толықтыру: .... ..... ..... адамның денсаулығы да тез нашарлай түседі.

А) Ғаламтор арқылы жаһандану

В) Компьютер алдында ұзақ отырған

С) Ғаламторға деген тәуелділік

Д) Өйткені ол қозғалыстан қалып

Е) Ғаламтордың келесі зиянды тұсы

5. Берілген сөйлемнен қимыл-сын үстеуді табыңыз.

 Алыста жүрген ата-анаңмен де, туған-туыстарыңмен де емін-еркін хабарласасың.

А) алыста

В) емін-еркін

С)хабарласасың

Д) жүрген

Е) ата-анаңмен

Ақпараттық жүйенің қауіпсіздігі – бұл компьютерлік жүйеде қалыпты қызмет істеуді немесе азаматтардың, кəсіпорындардың жəне мемлекеттің ақпаратты иелену құқығын бұзатын оқиғаларды, əрекеттерді болдырмауға бағытталған ұйымдастыру.

Қауіпсіздік жүйесі мыналардан қорғауға тиіс:

1. Табиғи қауіптер (дауыл, су тасқыны, өрт, жай түсу жəне т.б.), бұлар не компьютерлік жүйенің физикалық зақымдануына, не ақпараттың жойылуына немесе бұрмалануына ( мысалы, электромагниттік сəулелердің себебінен) əкеліп соғады.

2. Екінші, ақпараттық жүйеге техникалық жақтан да қауіп болады. Оған электрмен қоректену мəселелерін, компьютерлік аппаратура жұмысындағы ақауларды, жұмыс істеп тұрған техникадағы сəуленің бақылау аумағы шегінен шығып кетуін, оның байланыс арналары арқылы таралуын жатқызуға болады.

3. Ақырында, ақпараттық жүйелерге адамдар қауіп төндіреді. Бұл операторлар мен əкімшілердің байқамай қате жіберуі, осының нəтижесінде ақпараттың жоғалуы немесе жүйе жұмысында кідірістің болуы, сонымен қатар зиян келтіру үшін қасақана əрекет жасауы болуы мүмкін.

(Қ.Аяжанов)

1. Дұрыс жазылуын табыңыз

А) кәсіборын

В) кәсіп орын

С) кәсіпорұн

Д) кәсіпорын

Е) кәсыпорын

2. Табиғи қауіп дегеніміз...

А) көлік соғылуы

В) ядролық жарылыс

С) дауыл, су тасқыны, жай түсу, өрт

Д) вирус, бактерия таралуы

Е) радиация

3. Қауіпсіздік жүйесі мыналардан қорғауға тиіс

А) техниканың және адамдардың қателіктері

В) тек табиғи апат

С) электромагниттік сәуле

Д) жел, өрт, топан су

Е) табиғи қауіптер, техникалық қауіптер, адамдар қателігі

4. Мәтіндегі жалғасын табыңыз: ақпараттың жойылуына немесе бұрмалануына...

А) болуы мүмкін.

В) әкеліп соғады.

С) жатқызуға болады.

Д) қорғауға тиіс

Е) қауіп төндіреді.

5. Операторлар мен əкімшілердің байқамай қате жіберуі – ...

А) табиғи апат

В) компьютердегі вирус

С)адамның қателігі

Д) сәуленің бақылау шегінен шығуы

Е) физикалық зақым

      Елтаңба ортасында көгілдір түс аясында шаңырақ бейнеленген. Ол елтаңбаның жүрегі іспеттес. Шаңырақ әлемнің біртұтастығын, мемлекеттің бастауы – отбасы ошағын бейнелейді. Шаңырақты айнала уықтар шаншылған. Олар күн сәулесіндей жарқырайды. Екі жағын аңыз ертегілердегі пырақтардың қанаттары көмкеріп тұр. Қанатты пырақ мәңгілік өмір, шексіз даму және Қазақстан секілді бір шаңырақ астында өмір сүріп жатқан халықтардың рухани байлығын көрсетеді. Болашаққа үміт артар жас ұрпақтың арманы, биікке самғау талабы. Елтаңбаның маңдайшасында бес бұрышты жұлдыз бар. Ол – мемлекетіміздің жарық жұлдызы. Елтаңбаның авторлары – Шота Уәлиханов пен Жандарбек Мәлібеков (Ғ.Момынәлиева).

1 Мәтін не туралы екенін анықтаңыз

А) Шаңырақ

В) Қазақстан

С) Болашақ

D) Елтаңба

Е) Мемлекет

2 Елтаңбаның ортасында не бейнеленген?

А) шаңырақ

В) уықтар

С) пырақтардың қанаттары

D) жұлдыз

Е) ай

3. Елтаңбаның авторлары

А) Латиф Хамиди , Мұзафар Әлімбаев

В) Жұмекен Нәжімеденов, Нұрсұлтан Назарбаев

С) Шота Уәлиханов, Жандарбек Мәлібеков

D) Тұманбай Молдағалиев, Шәмші Қалдаяқов

Е) Мұқан Төлебаев, Жадыра Дәрібаева

4. Қанатты пырақ нені көрсетеді.

А) елтаңбаның жүрегін

В) мәңгілік өмір, шексіз дамуды

С) жарық жұлдызы

D) әлемнің біртұтастығын

Е) күн сәулесін

5. Мәтіндегі кездесетін тірек  сөздерді тап.

А) қалың, биік

В)  өткір, астында

С) жоғары, көмкеріп

E)  шаңырақ, уық, жұлдыз, пырақ

D)  қызғылт, сары