NEW
Font size
WorksheetsОҚУ САУТТЫЛЫҒЫ
Total questions: 6
Worksheet time: 8mins
Мәтінді оқып, 1-2-3 сұрақтарға жауап бер.
Жоңғарлар шапқыншылығында ауыл адамдары үйлерін тастай қашады. Осы уақытта тек Төле би ғана түтінін бұзбастан орнында отыра беріпті. Ауылға басып кірген жоңғар қонтайшысы түтінін тұтатқан жалғыз үйді көреді. Ел үдере көшкенде, өзінен қорықпай отырған адамның кім екенін білмекке кісі жібереді. Баса көктеп үйге енген жоңғарлар жөн сұраспастан, бірден жауап алмаққа дүрсе қоя береді. Сонда Төле би жоңғарларға амандықсыз сөз бастағанын айтып, бір тықыртса, көшпеуінің себебін айтып, екінші тықыртқан екен. Жұртпен бірге бас сауғалап, үйін тастамағанының себебін би былай түсіндірген екен: "Биыл шаңырағыма қарлығаш ұя салған екен. Балапандары қанаттанғанша үйімді бұзбайын деп шештім. Жау жағадан алды екен деп ұясын бұзып, балапандарды шырылдатқым келмеді,-дейді.
1. Мәтіннің идеясы неде, анықтаңыз?
А) Кез-келген адамның қолынан жақсылық жасау келетінін түсіндіру
Ә) Құстардың балапандарын құтқару, өз өміріне жасалған қастандық
Б) Халықтың қасиетті ұғымын қастерлеу, тіршілік иесіне қамқорлық
В) Адамдарды өзгелер үшін өмір сүруден құтқару
2. Мәтін бойынша Төле биге тән емес қасиетті табыңыз?
А) Қызығушылық
Ә) Мейірімділік
Б) Жанқиярлық
В) Қамқорлық
3. Мәтін мазмұны бойынша сәйкес нұсқаны табыңыз?
А) Жануарлардың тигізетін пайдасы шамалы
Ә) Жасаған жақсылықты міндет етпеу керек
Б) Біреуден қарыз алсаң міндетті түрде қайтаруың керек
В) Әр жақсылықтың бір қайтарымы болады
Мәтінді оқып, 4-5-6 сұрақтарға жауап беріңіз.
Жаз ортасының қоңыр кеші. Ұлытаудың бөктерінде кештің қоңыр салқын желі еседі. Күн батып, ымырт жабылып барады. Күнбатысты қалың қара бұлт басқан, айналада күңгірт тартқан төбелер қоңырқай тартып, түн тыныштығына қарай бойсұнған сияқты. Сондай жүдеп сарылған төбелердің арасымен үш салт атты келе жатыр еді. Бұлардың беті — қалың таудың іші. Күнбатыста алыста жауын бар еді. Сол алыста күн күркіреп жатты. Анда-санда көкжиектің тұсында күн жарқылдап тұр. Бұлт қалың, жарқылдағы күшті еді.
4. Мәтін бойынша қате тұжырымды көрсетіңіз?
А) Айтылған мезгіл шілде айының ортасы болуы мүмкін
Ә) Аттылар келе жатқан кездегі ауа температурасы салқын болған
Б) Аттылар қалың тауға қарай келе жатыр
В) Аттылар келе жатқан жерде қатты найзағай ойнап тұр
5. Жауынның қай жерде жауып жатқанын көрсетіңіз?
А) Ұлытаудың бөктерінде
Ә) Алыс күнбатыста
Б) Жүдеп сарылған төбелердің арасында
В) Аттылар келе жатқан жерде
6. Қызылмен жазылған сөзбен мәндес сөзді көрсетіңіз?
А) Салқындап барады
Ә) Түнеріп барады
Б) Қоюланып барады
В) Кеш болып барады
