Сыныпта 19 оқушы неміс тілі курсына қатысса, 25 бала ағылшынға қатысады екен. 12 бала неміс тіліне де, ағылшынға да барады. Ал 8 оқушы ешқайсысына бармайтын болса, сыныпта неше оқушы бар?

Сыныпта 27 оқушы бар. Барлық оқушылар кемінде бір шет тілін оқиды. Олардың ішінде 18 оқушы ағылшын тілін, ал 15 оқушы француз тілін оқиды. Қанша оқушы екі тілді де оқиды?

Сыныпта 35 оқушы бар. Олардың 25-і футбол үйірмесіне қатысады. 15-і волейбол үйірмесіне қатысады, ал 5-еуі ешқандай үйірмеге қатыспайды. Неше оқушы екі үйірмеге де қатысады?

Сыныпта 37 оқушы бар.Олардың 20-сы вокалға, 15-і биге және 7-еуі екі үйірмеге қатысады. Бұл сыныпта екі үйірмеге де қатыспайтын оқушылар саны қанша?

Сыныптағы 30 оқушының ішінде 15-і ағылшын үйірмесіне, 18-і француз үйірмесіне, 8 оқушы екі үйірмеге де қатысады. Сыныпта неше оқушы осы екі үйірмеге қатыспайды?

Бір қалаға 150 турист келді. Олардың 15-ы неміс тілін де, француз тілін де білмейді. 85 адам неміс тілін біледі, 63 адам француз тілін біледі. Неше турист осы екі тілдің екеуін де біледі?

Сыныптағы әрбір оқушы неміс тілін немесе француз тілін үйренеді. Неміс тілін 12 адам, француз тілін 10 адам, екі тілді 8 адам оқиды. Сыныпта қанша оқушы бар?

Сыныпта 35 оқушы бар. Оларың ішінен 19 оқушы футболмен және 13 оқушы волейболмен айналысады, ал 4 оқушы екеуімен де айналысады. Сыныпта футболмен де, волеболмен де айналыспайтын қанша оқушы бар?

«Сүйікті спорт түрі» сұрағына 24 адам баскетболды, 36 футболды, 20 адам теннисті таңдаған. Баскетбол деп айтқандардың 10-ы футболды да ұнатады екен. Футболды ұнатқандардың алтауы теннисті де жақсы көреді, ал 4 теннисші баскетболды да ұнатады. Бұлардың ішінен екі адам барлығына да қатысып, 12 адам ешқандай жауапты таңдамаса, сұрастыруға қанша адам қатысты?

Мектепте 72 алтыншы сынып оқушысы бар. 36 оқушы математикалық үйірмеге қатысады, физикалық үйірмеге-28 оқушы, химиялық үйірмеге-20 оқушы қатысады. 4 оқушы үш үйірмеге де қатысатыны белгілі, 16 оқушы математикалық та физикалық та үйірмеге, 10 оқушы математикалық та химиялық та үйірмеге, 6 оқушы физикалық та химиялық та үйірмеге қатысады. Мектептің қанша оқушысы үш үйірмеге де қатыспайды?

Сыныпта 45 оқушы бар. Математика-20, физикаға-16, ағылшын тіліне-15 оқушы қосымша сабаққа қатысады. 3 оқушы барлық үш сабаққа да қатысса, математика мен физикаға 5 оқушы, математика мен ағылшын тіліне 4 оқушы және физика мен ағылшын тіліне 6 оқушы қатысады. Сыныпта қанша оқушы мүлдем ешқандай қосымша сабаққа қатыспайды?

Көшедегілерден «Қандай үй жануарын асырайсыңдар?» деген сауалнама алынды. Нәтижесінде 150 адамда мысық, 130 адамда ит, 50 адамда тотықұс асырайтындығы анықталды. 60 адамда мысық пен ит, 20 адамда мысық пен тотықұс, 30 адамда ит пен тотықұс өсіріледі.70 адамда үй жануарлары жоқ. 10 адамда мысық та, ит те, тотықұс та бар. Барлығы қанша адам сауалнамаға қатысқан?

Сыныпта 30 оқушы бар. Олардың 20-сы метромен, 15-і автобуспен, 23-і троллейбуспен, 10-ы метромен де троллейбуспен де, 12-сі метромен де автобуспен де, 9-ы троллейбуспен де автобуспен де қатынайды. Барлық көлік түрімен неше оқушы қатынайды?

Бірлестікте 150 мекеме бар. Олардың 80-і А өнімін, 60-ы В өнімін, 50-і С өнімін шығарады. А және В өнімдерін 20 мекеме, В және С өнімдерін 30 мекеме, А және С өнімдерін 10 мекеме өндіреді. Барлық мекеме бірігіп 5 өнім өндірді. Бірлестік мекемелері үш өнімнің қаншасын өндірмейді?

Жоғары оқу орнындағы бір мамандыққа 120 талапкер тапсырды. Абитуриенттер математика, информатика және орыс тілдерінен емтихан тапсырды. Математикадан 60 талапкер, информатикадан 40 талапкер, математика мен информатикадан 30 талапкер, математика мен орыс тілінен 30 талапкер, информатика мен орыс тілінен 25 талапкер, 20 талапкер барлық пәннен тапсырды. 50 талапкер оқуға түсе алмай қалды. Орыс тілінен қанша талапкер емтихан тапсырған?

​

Шетел тілдерін тереңдетіп оқытатын мектепте 100 оқушының арасында сауалнама жүргізілді. Оқушыларға «Қандай шетел тілдерін меңгерудесіңдер?» деген сұрақ қойылды. Нәтижесінде 48 оқушы ағылшын тілін, 26 оқушы француз тілін, 28 оқушы неміс тілін, ағылшын және неміс тілдерін 8 оқушы, ағылшын және француз тілдерін 8 оқушы, француз және неміс тілдерін 13 оқушы меңгеретіндіктері анықталды. 24 оқушы ағылшын да, неміс те, француз да тілдерін оқымайды. Сауалнамаға қатысқан неше оқушы үш тілді де меңгеруде?

Университетте 36 студент қандай сусын жақсы көретіні туралы сауалнама алынды. Олардың ішінде шайды – 26, кофені-20, ыстық шоколадты-10 адам жақсы көреді. 5 студент сусынның үш түрін де жақсы көреді, 15 студент кофе мен шай, 5 студент шай мен ыстық шоколад, 8 студент кофе мен ыстық шоколад жақсы көреді. Бұл үш сусынды қанша студент ұнатпайды?

Сыныптағы 32 оқушының 14-і мектепте өткен футбол турниріне, 10-ы баскетбол турниріне және 8-і волейбол турниріне жарысқа қатысқан. Мұнда 6 оқушы әрі футбол, әрі баскетболға, 5 оқушы әрі футбол, әрі волейболға, 4 оқушы әрі баскетбол, әрі волейбол турниріне, ал 3 оқушы барлық үш ойыннан жарысқа қатысқан. Сыныптағы оқушылардың нешеуі осы турнирлердің ешқайсысына да қатыспаған?

Сыртқы істер министрлігінің бір бөлімінің қызметкерлердің әрқайсысы кем дегенде бір шет тілін меңгерген(ағылшын, неміс және француз тілдері). Олардың 10-ы ағылшын, 6-уы неміс, 4-еуі француз, 4-еуі әрі ағылшын, әрі неміс, 3-еуі әрі ағылшын, әрі француз, 2-еуі әрі неміс, әрі француз және біреуі барлық үш тілді де меңгерген. Бөлімде неше қызметкер бар?