Арасы 24 км болатын А және В пунктерінен қарама-қарсы бағытта велосипедші мен жаяу адам шықты. Олар 2 сағаттан соң кездесті. Егер велосипедшінің жылдамдығы жаяу адамнан 2 есе артық болса, велосипедшінің жылдамдығын табыңыз.

Көлік А пунктінен В пунктіне 54 км/сағ жылдамдықпен шықты. Жарты сағаттан кейін сол бағытта мотоциклші 72 км/сағ жылдамдықпен шықты. Мотоциклші көлікті А пунктінен қандай қашықтықта қуып жетеді?

Велосипедші межелеген қашықтықты 4,5 сағатта өтпек болып жоспарлаған еді. Ауа-райының қолайсыздығына байланысты ол жолға 45 минут кеш шықты. Межелеген жерге уақытында бару үшін ол жылдамдығын 2,4 км/сағ арттырды. Осы екі пункттің арақашықтыған анықтаңыз.

Екі пойыз А стансасынан бір-бірінен қарама-қарсы бағытта жүріп барады. А стансасынан бірінші пойыз 80 км, екінші пойыз 50 км қашықтықта. Бірінші пойыз 75 км/сағ жылдамдықпен, екінші пойыз 90 км/сағ жылдамдықпен жүрді. Неше сағаттан соң екі пойыз А стансасынан бірдей қашықтықта болады?

Велосипедшінің жылдамдығы 10 км/сағ. Ол жылдамдығын 2 км/сағ арттырып, межеге 4 сағ ерте келді. Велосипедші қандай жол жүрген?

Қаладан ауылға дейінгі аралықты автобус 1,8 сағ, жеңіл машина 0,8 сағ жүріп өтеді. Егер автобустың жылдамдығы жеңіл машинаның жылдамдығынан 50 км/сағ кем болса, онда автобустың жылдамдығы қандай?

Жүрдек пойыз жүк пойызына қарағанда 30 км/сағ артық жылдамдықпен жүрді. Жүрдек пойыздың 6 сағ жүрген жолы жүк пойызының 8 сағ жүрген жолынан 60 км артық болды. Жүрдек пойыздың жылдамдығын табыңыз.

Жолаушылар автобуспен елді мекеннен стансыға келіп, пойызға үлгерулері керек еді. Егер автобус 60 км/сағ жылдамдықпен жүрсе, жолаушылар пойыздың жүру уақытынан 20 мин ерте келеді. Ал егер автобус 50 км/сағ жылдамдықпен жүрсе, пойыздың жүру уақытынан 12 мин кеш келеді. Елді мекен стансыдан неше километр қашықтықта?

Егер Ержан жұмысқа скутермен 36 км/сағ тұрақты жылдамдықпен жүретін болса, онда ол 15 минутқа кешігеді. Егер де ол 60 км/сағ жылдамдықпен жүретін болса, онда 15 минутқа ерте келеді. Ержан жұмысқа уақытында келуі қажет. Ол қандай жылдамдықпен жүруі қажет?

Арман жұмысына үйден бір сағат ерте шығады. Егер де ол 40 км/сағ жылдамдықпен жүрсе, жұмысына 15 минутқа кешігеді. Арман жұмысқа уақытында келуі үшін қандай жылдамдықпен жүру керек?

Айтжан іс-сапарға басқа қалаға кетіп барады. Ол үйден темір жол вокзалына машинамен шығып, 36 км/сағ жылдамдықпен барса 30 минутқа кешігеді. Егер 60 км/сағ жылдамдықпен жүрсе, 30 минутқа ерте келеді. Уақытында жету үшін Айтжан қандай жылдамдықпен жүру керек?

Елді мекен стансыдан 4 км қашықтықта стансы мен саяжай аралығында орналасқан. Елді мекеннен саяжайға қарай 4 км/сағ жылдамдықпен жаяу адам шықты. Жаяу адам 0,5 сағ жүрген соң стансыдан 12 км/сағ жылдамдықпен велосипедші шықты. Велосипедші неше сағаттан соң жаяу адамды қуып жетеді?

Ауылдан қалаға дейінгі аралықты велосипедші 2,5 сағат, ал жаяу адам 5 сағат жүреді. Велосипедшінің жылдамдығы жаяу адамның жылдамдығынан 10 км/сағ артық. Жаяу адамның жылдамдығы қандай?

А пунктінен бір бағытта, бір мезетте екі автобус жолға шықты. Бірінші автобустың жылдамдығы 80 км/сағ, ал екіншісінікі біріншісінің жылдамдығының 1,25 бөлігін құрайды. Автобустар А пунктінен шыққан соң 3,4 сағаттан кейін олардың арақашықтығы нешеге тең болады?

Катер ағыспен 2 сағатта 92 км жүрді. Егер ағыс жылдамдығы 1,2 км/сағ болса, катердің ағысқа қарсы жылдамдығын табыңдар.

А пунктінен В пунктіне бір мезетте екі автобус жолға шықты. Бірінші автобустың жылдамдығы 72 км/сағ, ал екіншісінікі біріншісінің жылдамдығынан 1,5 есе артық. Автобустар А пунктінен шыққан соң 2,5 сағаттан кейін олардың арақашықтығы нешеге тең болады?

Теплоходтың меншікті жылдамдығы 20 км/сағ. Өзен ағысының жылдамдығы 4 км/сағ. Теплоход өзен ағысымен жүзіп, 4 сағаттық тұрақтан кейін кері қайтады. Теплоходтың бастапқы бекеттен шығып, оған қайтып келуіне 14 сағат уақыт өтті. Осы сапар барысында теплоход қанша километр жол жүрді?

Жолаушылар пойызы екі қала арасын 10 сағатта, ал жүк пойызы 12,5 сағатта өтеді. Жүк пойызының жылдамдығы жүрдек пойыз жылдамдығынан 28 км/сағ кем болса, онда осы екі қала арақашықтығын табыңыз.

Моторлы қайық өзен ағысымен 2 сағатта өтетін арақашықтықты ағысқа қарсы жүргенде 2,25 сағатта өтеді. Егер ағыс жылдамдығы 1,6 км/сағ болса, қайықтың меншікті жылдамдығын табыңыздар.