Екі егіз сандардың қосындысы 24-ке тең. Осы сандар көбейтіндісінің мәнін табыңыз.

Үш бала орманда 200 саңырауқұлақ тауып алды. Сабыр барлық саңырауқұлақтардың 40%-ін, Марат Сабырдың тапқанының 25%-ін, ал Тимур қалғанын тауып алды. Тимурдың тауып алған саңырауқұлақтар санын табыңыз.

Кітаптың бетін нөмірлеу үшін 3729 цифр қажет болды. Кітап беті 1-ден бастап нөмірленеді. Осы кітаптың неше беті бар екенін анықтаңыз.

Сыныптағы 28 оқушының $$\frac{3}{7}$$  бөлігі қыз балалар. Ұл балалардың саны қанша екенін табыңыз.

Салмағы 120 кг болатын қоспаның құрамында 2:4:6 қатынасындай алтын, күміс және қола бар. Қоспадағы қоланың салмағы қанша килограмм екенін анықтаңыз.

60м өлшеу үшін бала 150 қадам жасады. 220 қадам басса, бала неше метр жүрді?

Жасыл, қызыл және сары түсті шарлардан тізбе жасалған. Ондағы сары түсті емес шарлар саны 16, қызыл түсті емес шарлар саны 15. Жасыл түсті емес шарлар саны 17. Тізбеде қанша шар бар? Қызыл түсті шар нешеу?

1-ден 140-қа дейінгі натурал сандарды жазғанда 3 цифры неше рет қайталанады?

Атасы 58 жаста, оның баласы 32 жаста, немерелері 11 жаста, 7 жаста. Неше жылдан кейін атасының жасы баласы мен немерелерінің жастарының қосындысына тең болады?

Суреттегі фигураның ауданын табыңыз.

Сандар белгілі бір заңдылық нәтижесінде алынған. Сұрақ белгісін қандай санмен ауыстыру керек? Егер «14»=4, «27»=14, «30»=0, «39»=27, «175»=35 болса, онда «145»=?

Тізбектес бес натурал санның қосындысы N-гe тең. Олардан кейінгі бес тізбектес натурал санның қосындысын табыңыз.

√75 саны қандай натурал сандардың арасында орналасқанын анықтаңыз.

Марат машиналарды бояғанда келесі ретпен бояды: көк, жасыл, кызыл, кара және сары. Онда 29-шы машинаның түсін анықтаңыз.

Оқушылар жол бойына араларын бірдей етіп, 37 түп ағаш отырғызды, Ең шеткі екі ағаштың арасы 198 м. Жол бойындағы он бесінші ағаш тоғызыншы ағаштан неше метр қашықтықта отырғызылған?