Ілгерілемелі қозғалатын дене өзінің жылдамдығын тұрақты сақтайтын немесе тыныштықта болатын кез келген санақ жүйесі ------------------------------------- деп аталады.

Бір-біріне қарама-қарсы 2 м/с және 4 м/с жылдамдықпен қозғалатын екі дене бір-бірімен соғылып тоқтайды. Егер бірінші дененің массасы 300 г болса, екінші дененің массасы қандай?

Ньютонның бірінші заңынан кез келген еркін дененің табиғи күйі ------ және ------------------ қозғалыс немесе тыныштық күйі болып табылатыны шығады. Бұл тыныштық күйі мен бірқалыпты түзусызықты қозғалыс еркін дененің тең құқықты күйі болып табылатынын білдіреді. Ньютонның бірінші заңының мазмұны екі тұжырымға саяды. Барлық денеге ---------------------- қасиет және инерциялық санақ жүйелерінің болуы тән.

Күш әрекетінен массасы 1 кг дене 10 м/с2 үдеу алады. Осы күш массасы 0,5 кг денеге қандай үдеу береді?

Массасы 60 т болатын вагон қозғалмай тұрған платформаға 0,3 м/с жылдамдықпен келіп соқтығысады. Соқтығыстан кейін платформа 0,4 м/с жылдамдыққа ие болады. Егер соқтығыстан кейін вагон жылдамдығы 0,2 м/с-қа азайған болса, платформаның массасы нешеге тең?

Массалары 400 г және 600 г болатын екі дене бір-біріне қарай қозғала отырып соқтығысты. Соқтығысқаннан кейін тоқтады. Егер бірінші дененің жылдамдығы 3 м/с болса, екінші дененің жылдамдығы қандай?