Երկու եղբայր են բայց իրար չեն տեսնում։

Ի՞նչն է քեզ հետ գնում,գալիս

Հետը խոսես, ձայն չի տալիս

Երբ դեռ լույս է,քեզ հետ է նա,

Հենց որ մթնեց,կանհետանա

Բռունցքի չափ մեքենա,

Ամեն տեղ քեզ հետ է նա,

Քնած լինես,թե արթուն,

Նա քեզ կյանք է պարգևում։

Նա որսորդ է չար ու անգութ,

Հագին մուշտակ՝սիրուն,պուտ-պուտ,

Ժանիքը սուր,ագին բարակ,

Եվ աչքերն են մի-մի ճրագ

Գուշակի՛ր հանելուկը.

Հագնում է կանաչ ու շքեղ շորեր

Եվ զարդարում է հողագունդը մեր,

Զարթոնք է բերում սարին ու դաշտին՝

Զուգում, պճնում է անտառ ու այգի:

Գուշակի՛ր հանելուկը.

Հագած ճերմակ, շքեղ բաճկոն՝

Զարդարում է ձեր երեկոն,

Ո՞վ է հյուրը այդ ցանկալի,

Որ բերում է ձեզ նոր տարի:

Գուշակի՛ր հանելուկը.

Ձմեռվա ցրտին՝ շրջում է տխուր,

Փշրանք տեսնելիս՝ ճտճտում-պարում,

Ո՞ր հավքն է, գիտե՞ս, տխուր ոստոստում,

Կանաչ գարուն է անվերջ երազում:

Գուշակի՛ր հանելուկը.

Երբ դնում ենք, կտրատում,

Մանրիկ-մանրիկ մասնատում,

Լացացնում է ինձ ու քեզ,

Անունն ասա, թե գիտես:

Գուշակի՛ր հանելուկը.

Երեսունվեց քաջ, արի եղբայրներ

Մեր ուղեցույցն են բյուրավոր դարեր,

Ծաղիկ են դառնում, բացվում մեր շուրթին՝

Մենք փոխանցում ենք մեր սերունդներին:

Գուշակի՛ր հանելուկը.

Հազարածալ, հազար թերթիկ՝

Ունի անհուն խորհուրդ ու միտք,

Ով որ նրան ձեռքն է առնում,

Միտքը լույսով է զարդարվում:

Գուշակի՛ր հանելուկը.

Պոչը թավիշ ու երկար,

Շրջում է լեռ, դաշտ ու սար,

Սրտում վախ կա ու մեծ ցավ՝

Երազում է թառ ու հավ:

Գուշակի՛ր հանելուկը.

Երեսուներկու ժիր եղբայրներ՝

Տրորում են սնունդը մեր,

Կարծր են, ճերմակ, թե գուշակես,

Նրանց ինչպե՞ս կանվանես:

Գուշակի՛ր հանելուկը.

Թեև չենք տեսնում ու չենք շոշափում,

Բայց նրանով ենք ապրում ու ծնչում,

Իմացիր, ի՞նչ է անունը նրա՝

Անչափ կարևոր աշխարհի վրա:

Գուշակի՛ր հանելուկը.

Ո՞վ է խուսափում դասից ու գրքից,

Եվ աչքը բնավ չի կտրում դրսից,

Կամ խանգարում է սրան ու նրան,

Ինչպե՞ս կանվանեք արդյոք դուք նրան:

Վարդանի հայրը Պետրոս Պողոսյանն է, իսկ պապը Մարտիրոս Կիրակոսյանը:Ի՞նչ ազգանուն ունի Վարդանի մայրը:

Այն պատկանում է քեզ, սակայն դա ավելի շատ գործածում են ուրիշները, քան՝ դու:Ի՞նչն է դա:

Հնարավո՞ր է նախապես ասել առաջին անգամ միմիյանց հետ հանդիպող ֆուտբոլային երկու թիմերի հաշիվը՝ մինչև խաղը սկսելը

Երկու մետաղադրամ միասին կազմում են 300 դրամ, ընդ որում, դրանցից մեկը 200 դրամանոց չի:Քանի՞ դրամանոցներ են այդ մետաղադրամները:

Թոռնիկն այնքան ամսեկան է, որքան տարեկան է պապը:Պապն ու թոռնիկը միասին 78 տարեկան են:Քանի՞ տարեկան է նրանցից յուրաքանչյուրը: