Бассейндегі суды 1 сағат бойы бірқалыпты ағызған соң оның ішінде 400 $$m^3$$ су қалды. Тағы да 3 сағат ағызған соң бассейндегі су мөлшері 250 $$m^3$$ болды. Бассейндегі бастапқы су мөлшерін табыңдар.

Катер өзен ағысымен 18 км жүрген соң өзен ағысына қарсы 20 км жүріп, барлық жолға 2 сағат жұмсады. Егер катердің тұнық судағы жылдамдығы 20 км/сағ болса, өзен ағысының жылдамдығын табыңдар.

Алюминий мен магнийдің қоспасында 22 кг алюминий бар. Бұл қоспаға 15 кг магний қосылып, қайта балқытылды. Осыдан шыққан жаңа қоспаның құрамында магнийдің үлесі 45% болды. Алғашқы қоспаның салмағы қандай болған?

Тұнық судағы жылдамдығы 25 км/сағ болатын катер 2 сағат ішінде өзен ағысымен 30 км және ағысқа қарсы 20 км жол жүрді. Өзен ағысының жылдамдығы қандай?

А және В теміржол бекеттерінің арақашықтығы 120 км. А-дан В-ға аттанған пойыздың соңынан 3 сағат өткен соң, одан жылдамдығы 10 км/сағ артық екінші пойыз шықты.Егер екінші пойыз В бекетіне біріншісіне қарағанда 2 сағат кеш келгені белгілі болса, екінші пойыз А мен В бекеттерінің арасына қанша уақыт жұмсаған?

Екі бригада өнімді 12 күнде жинап бітіруі керек. Олар бірігіп 8 күн жұмыс істегеннен кейін бірінші бригада басқа жұмысқа ауысып, қалған жұмысты екінші бригада 7 күнде аяқтады. Осы бригадалар өнімді жеке-жеке неше күнде жинап бітіреді?