Науқас 20 жаста, жоғары жақтың сол жақ тісіндегі түнгі уақытта, ұстама тәрізді, өздігінен пайда болатын ауырсынуға, ауырсынудың тамақ қабылдағанда күшейетініне шағымданып келді. Ауырсыну бір күн бұрын кешкі уақытта пайда болды. Бұрын тамақ қабылдағанда ыңғайсыздық мазалаған. Ауыз қуысында: 2.4 тістің дистальды-шайнау беткейінде тіс қуысымен байланысқан терең тісжегілік қуыс, зондтау және тітіркендіргіштерге ауырады, перкуссияда ауырсынады, 2.4 түбір ұшы аймағындағы шырышты қабат өзгермеген. Мүмкін болатын болжамды диагноз:

Науқас 27 жаста, тістер эмальінің сыртқы көрінісінің өзгеруіне шағымданып келді. Қарау барысында: барлық топ тістердің сауыттары сарғыш түспен пигменттелген, бірақ эмаль жылтырлығы сақталған. Жоғары және төменгі жақ фронтальды тістердің вестибулярлы беттерінде эмалдің ақшыл-қоңыр түсті жеке пигментация ошақтары және тіс сауыттарының домалақ пішіндес түбі ақшыл-сарғыш, тығыз, диаметрі 1,5 мм дейін, тереңдігі 0,1-0,3 мм ақаулары бар. Мүмкін болатын диагноз:

Науқас 43 жаста, жоғары оң жақ тісінің сыртқы орта температурасы өзгергенде және тамақ қабылдағаннан кейін ұзақ уақыт сыздап ауыратынына шағымданады. Қарап тексергенде 1.6 тісінің мойын аймағында терең жегілік қуыс анықталды.

Зондтау бір нүктеде қатты ауырады. Ұлпаның электрқозғыштығы-50 мкА. Мүмкін болатын диагноз:

Науқас 29 жаста, жоғары оң жақ тісінің химиялық, механикалық және температуралық тітіркендіргіштер әсерінен ауырсынуына шағымданып келді. Алғаш ауырсыну 3 ай бұрын болған. Объективті: 1.6 тістің шайнау-контактты беткейінде дентиннің терең қабаттарының зақымдалумен тісжегілік қуыс анықталды. Жұмсарған дентин экскаватормен оңай алынады. Тісжегілік қуыс түбін зондтау кезінде ауырады. Суық тітіркендіргішке реакция оң, тез өтеді. Перкуссия теріс.

ЭОД-12 мкА. Қай аурумен салыстырмалы диагностика жүргізу керек?

Науқас 24 жаста, ауыз қуысын жоспарлы санациялау мақсатында келген. Қарау барысында: 4.6 тістің медиальды-шайнау беткейінде пломба қалдығымен тісжегілік қуыс, пломбаны алып тастағаннан кейін тіс қуысымен байланысы анықталды. Тіс қуысының сауыттық бөлігі мен түбір өзектерінің сағасын зондтау ауырсынусыз. Тістің горизонтальды және вертикальды перкуссиясы ауырсынусыз.

Рентгенограммада: тістің медиальды түбірі ұшы аймағында перидонтальды саңылаудың біркелкі кеңеюі.

Температуралық тітіркендіргішке болуы мүмкін реакциясы қандай?

Науқас 20 жаста, тістерін тазалағанда, қатты тамақ қабылдағанда қызыл иектің қанағыштығына және ауызынан жағымсыз иісінің шығуына шағымданып келді. Объективті: қызылиек жиегі мен тісаралық еміздіктердің ісінуі, цианозды түспен гиперемиясы, қызылиек борпылдақ, тигенде оңай қанайды, жұмсақ тіс қақтары және қызылиек үстілік тіс шөгіндісі анықталды. ГИ-4. Төменгі жақ фронтальды тістерінің тығыз оналасуы. Төменгі жақтың тіс қатарында 3.6 тісі жоқ.

Рентгенологиялық зерттеуде жақтардың альвеолярлы өсінділерінің сүйек тіндерінде патологиялық өзгерістер анықталған жоқ. Осы ауруда жергілікті емдік шаралардың кешенін неден бастайды?

Науқас 18 жаста, жарақаттан кейін бірден пайда болған жоғары жақ оң тісінің ауырсынуына шағымданып келді.

Анамнезінде: тіс жарақатын 1 сағат бұрын алған. Қосымша аурулары жоқ. Аллергоанамнезі қалыпты. Қарау барысында: 1.1 тістің сауыты 1/2 ұзындықта сынған, тіс қуысы кең ашылған, ұлпа қанайды, зондтағанда қатты ауырады.

ЭОД-30 мкА. Ең тиімді емдеу әдісі:

Науқас 30 жаста, қызылиектің қанағыштығына, қышынуына, тіс шөгінділеріне шағымданып келді. Анамнезінде: қанағыштық 4 ай бойы байқаған, созылмалы гастритпен ауырады. Объективті: жоғары және төменгі жақтың қызыл иек еміздікшелері іркілістігиперемияланған, ісінген, борпылдақ, қанағыш. Зондтау кезінде алдыңғы төменгі тістер аймағында қызылиектік қалталары бар. Тістері тұрақты, көп мөлшерде жұмсақ тіс қағы және қатты қызылиекүстілік тіс шөгінділері бар. ГИ-3,5. Тіс қатарында 3.6 тісі жоқ. Осы аурудың кешенді емін келесі шарадан бастау керек:

Науқас 50 жаста. Қызылиектің қышуына, тіс мойындарының жалаңаштануына, термиялық тітіркендіргіштерден ауырсынуға шағымданып келді.

Анамнезінде: осы белгілердің үдеуі 5-6 жыл ішінде байқайды. Қосымша патология:

гипертониялық ауру. Объективті: қызылиек шырышты қабаты барлық аймақта бозғылт, анемиялық, қызылиектік қалталары жоқ, түбірдің 1/2 ұзындығына дейін қызылиек ретракциясы. 1.3, 1.4, 1.5, 2.3, 2.4, 2.5 тістерінің аймақтарында сынатәрізді ақаулар анықталады. Осы патологияның негізінде қандай үрдіс жатыр?

Науқас 25 жаста, төменгі жақ тісінің ауырсынуына, тамақты тістегеннен кейін тіс сауытының сынуына шағымданып келді. Анамнезінде: тіс ұлпа қабынуымен бұрын емделген. Объективті: 4.1 тіс сауыты екі сынық (медиальды және дистальды) түзумен, пломбалық материал қалдығымен сынған. Сынықтар қозғалмалы. Рентгенограммада сынық сызығы кесу қырынан тіс сауыты бойымен түбір ұшына дейін өтеді. Дәрігер-стоматологтың тактикасын таңдаңыз:

1.5 тісті созылмалы гранулематозды перидонтиті бойынша эндодонтиялық емдеу барысында эндодонтиялық аспап түбірлік өзегінде сынып қалды. Сынық қалдығын алу мүмкін болмады.

Рентгенограммада түбір ұшы аймағында ұзындығы 2 мм-дей эндодонтиялық аспап сынығының қалдығы анықталады, тіс түбір ұшы аймағында дистальды жаққа қисайған, периапикальды тіндерде көлемі 3 мм шекарасы анық сүйек тіні деструкция ошағы анықталды. Дәрігер-стоматолог өтімді өзек бөлігін тұрақты пломбамен пломбалады. Пломбалаудан кейін мүмкін болатын асқынуларды болдырмас үшін қай әдіс көрсетілген?

Науқас 25 жаста. Төменгі жақ тісінің үнемі сыздап ауырсынуына, "өскен" тіс сезіміне шағымданады. Анамнезінде: тістегі қуысты 2 жыл бұрын байқаған. Басында өздігінен пайда болатын, түнгі ауырсынулар, кейін мезгілдік тіспен бірге қызылиектің ісінуімен іріңнің бөлінуі мазалаған. Объективті: 3.6 тісте терең тісжегілік қуыс. Тіс қуысы ашық. Ашық тісжегілік қуысты зондтау ауырсынусыз, перкуссия қатты ауырады. 3.6 тіс аймағындағы өтпелі қатпар гиперемияланған, ісінген, пальпацияда ауырады, түбір проекция аймағында айқын емес 2,5мм тыртық байқалады. Мүмкін болатын диагноз?

Науқас 27 жаста, дәрігер-стоматологқа ауыз қуысын санациялау мақсатында келді. Объективті: 2.1 және 1.2 тістерінің вестибулярлы беткейінде шектелген ақ түсті дақтар. Беткейі тегіс. Зонд сырғиды.

Дақтар 2% метилен көгімен боялады. ЭОД4 мкА. Қай аурумен салыстырмалы диагностка жүргізу керек?

Науқас 28 жаста. Жоғары тістер аймағындағы қызылиектің ауырсынуына, қанағыштығына шағымданады.

Анамнезінде: бір жыл бұрын жоғары жақ тістеріне біріктірілген металлокерамикалық сауыттар жасалынған. 3-4 айдан кейін қызылиек қанағыштығы пайда болған. Объективті: 2.4, 2.5 тістер аймағындағы қызылиектік еміздікшелері гипертрофияланған, цианозды, тиген кезде қанайды, тереңдігі 3-3,5 мм пародонтальды қалта анықталады. 2.4, 2.5 тістеріндегі жасанды тіс сауыттары қызыл иек астына терең кіреді. Төменгі жақ фронтальды тістерінде қызылиекүстілік тіс шөгінділері. ГИ-4,0. Рентгенограммада: 2.4, 2.5 тістер аймағында тісаралық пердесінің сүйек тінінің 1/3 бөлігіне дейін резорбциясы, басқа бөлімдерде сүйек тіні өзгеріссіз. Осы патологияны емдеудегі этиотропты шараны анықтаңыз:

57 жастағы ер адам, шырышты қабығының түрінің өзгеруіне, тартылу сезімінің болуына шағымданады. Объективті: ұрттың сілемейлі қабығында тістердің түйісу сызығының алдыңғы бөлігінде, ерінге өтетін аймақта шекарасы айқын эпителийдің біркелкі емес күңгірттенуі анықталады. Дақ қоршаған сілемейлі қабықтың деңгейінен шықпайды, қырғанда алынбайды.

Болжамды диагноз қойыңыз.

50 жастағы ер адам төменгі ернінің ісінуіне шағымданады. Объективті: еріннің көлемі үлкейген, ісінген, қызарған, сары - жасыл түсті тығыз орныққан қабықтармен жабылған. Сілекей бездерінің түтіктерінен іріңді экссудат араласқан сілекей бөлінеді.

Болжамды диагноз қойыңыз.

45 жастағы әйел ернінің қышуына, күйдіру сезіміне шағымданады. Науқастың айтуы бойынша бұл сезімдер жаңа гигиеналық далапты қолданғаннан кейін басталған. Объективті: гиперемирленген және ісінген ерін жиегінің аясында көпіршіктер және шектелген ылғалды ошақтар анықталады.

Қайсысы болжамды диагноз болуы мүмкін?