Sħabi għandhom xi ħaġa li vera nixtieq li għandi. Dejjem ikollhom l-aħħar mudelli tal-affarijiet u anke ħwejjeġ. Vera rrid li jkolli l-aħħar mudelli bħalhom u dan joħloq fija d-dwejjaq. Liema kmandament għandi nsegwi?

Kont miexi fit-triq u rajt persuna titlob lill-karozza. Għalija ħassejtha xi ftit stramba, imma jista’ jkun li b’din il-karozza tgħajjex lill-familja, u tagħmilha ferħana. Tinstema’ daqslikieku din il-karozza hija l-alla tagħha. Id-dar għandi ħafna affarijiet li nista’ nitlob lilhom. Liema kmandament għandi nobdi?

Ommi u missieri jirrabbjaw miegħi jekk isiru jafu li fallejt mit-test tal-matematika! X'ħin staqsewni kif mort ippruvajt naħbih u qed naħseb biex ngħidilhom li ġibt l-iktar marka għolja fil-klassi. Liema kmandament għandi nobdi?

Qed nara tifel jieħu l-ħelu mingħajr ma jħallas għalih. Kif noħorġu barra, ftit minn dan il-ħelu jagħtih lili. Ma kienx jiswa ħafna flus. Liema kmandament għandi nsewgi?

Għadni minix kbir biżżejjed biex niżżewweġ. Iz-ziju u z-zija żżewwġu ftit ilu u bħalissa għaddejjin mill-proċess tas-separazzjoni għax iz-ziju jħobb mara oħra. Meta nikber, ma rridx li jiġrili l-istess. Liema kmandament jgħinni nagħmel dan?

Ġieli nkun vera rrabjat meta xi ħadd iweġġgħani! B'xi mod jirnexxieli nikkalma. Nispera li qatt ma nasal li nieħu ħajjet xi ħadd minħabba f'hekk. Liema kmandament se jgħinni?

Vera nixtieq nibqa' nilgħab ma' sħabi online. Imma ommi ilha tgħajjat biex inqum nistudja, niekol, ninħasel u niżbarazza l-kamra! Ijnħossni kbir biżżejjed biex nieħu d-deċiżjonijiet jien! Liema kmandament se nsegwi?

Nhar il-Ħadd ħabibti trid tmur party. Qaltli li l-quddies mhix importanti, filfatt hi qatt ma tmur. Qaltli wkoll li anke jien missni ma mmur xejn. Liema kmandament se jgħinni niddeċiedi?

Fl-Eżodu, Alla ta lil Mosè istruzzjonijiet li l-Lhud kellhom jobdu. Il-ħames kmandament jgħidlek 'La toqtol'. Ġesù tkellem dwar li m'għandniex noqtlu wkoll imma għamilha aktar ċara. Skont Ġesù, liema minn dawn l-azzjonijiet huma kkunsidrati li jiksru dan il-Kmandament?