Бір ерітіндіде 30% (көлемі бойынша) азот қышқылы, ал екіншісінде 55% азот қышқылы бар. 50%-тік 100 литр азот қышқылының ерітіндісін алу үшін, бірінші және екінші ерітінділерден қаншадан алуымыз керек?

Тоқыма фабрикасының цехындағы 8 жұмысшы 6 күнде тапсырманың 80%-ін орындады. Қалған тапсырманы 5 күнде орындау үшін тағы да неше жұмысшы қабылдау керек?

Массасы 150 г, концентрациясы 40% ас содасының судағы ерітіндісіне қанша су қосқанда концентрациясы 15% ас содасының ерітіндісі алынады.                   

Екі ойын сүйегі лақтырылды, шыққан сандардың қосындысы 4-тен кем болу ықтималдығы?

1,2,3,4,5 цифраларынан 500-ден кіші неше жұп сан құрастыруға болады?

Моторлы қайық өзен ағысымен 28 км жүзіп барып, бөгелместен кері қайтты. Барып қайтуға 7 сағат уақыт кетті. Өзен ағысының жылдамдығы   3 км/сағ екендігі белгілі. Қайықтың тынық судағы жылдамдығын табыңыз.

Моторлы қайық ағыспен 12 км, ағысқа қарсы 12 км жүрді. Ағысқа қарсы жүрген жолына ағыспен жүрген жолынан 1 сағат артық уақыт жіберген. Қайықтың тұнық судағы жылдамдығы 9 км/сағ болса, ағыс жылдамдығын табыңыз.

Ара қашықтығы 900 км екі қаладан бір-біріне қарама-қарсы екі пойыз шығып, олар жол ортада кездескен. Бірінші пойыз екіншіден 1 сағ кеш шығып, екінші пойыздың жылдамдығынан 5 км/сағ артық жылдамдықпен жүрген. Әр пойыздың жылдамдығын табыңыз.

Жүк машинасының 3 сағатта жүрген жолын, жеңіл машина 2 сағатта жүреді. Егер жеңіл машина жылдамдығын 30км/сағ-қа кемітсе, онда ол бір сағатта жүк машинадан 10 км кем жүреді. Әр машинаның жылдамдығын табыңыз.